رەسپۋبليكادا كوروناۆيرۋس ينفەكسياسى بويىنشا ەپيدەميولوگيالىق جاعداي تۇراقتانعان
ق ر پرەمەر-مينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا دەنساۋلىق ساقتاۋ ءمينيسترىنىڭ مىندەتىن اتقارۋشى جاندوس بۇركىتبايەۆ ەلدەگى سانيتارلىق-ەپيدەميولوگيالىق جاعداي تۋرالى باياندادى، دەپ حابارلايدى Almaty-akshamy.kz
ج.بۇركىتبايەۆتىڭ ايتۋىنشا، الەمدە كۆي-دىڭ 275 ملن استام جاعدايى تىركەلگەن، تاۋلىگىنە 500 مىڭنان استام جاعداي تىركەلۋدە.
5،3 ملن-نان استام ادام قايتىس بولدى. دۇنيەجۇزىلىك دەنساۋلىق ساقتاۋ ۇيىمىنىڭ ەۋروپالىق وڭىرىندە سوڭعى ەكى اپتادا 54 ەلدىڭ 15-ىندە سىرقاتتانۋدىڭ ءوسۋى بايقالادى. سوڭعى 14 كۇندە دانيادا سىرقاتتانۋدىڭ 70%-دان استام وسكەنى بايقالدى، يتاليادا، شۆەسيادا – 50%-عا، فرانسيادا، ۇلىبريتانيادا – 40%-عا، نورۆەگيادا، پورتۋگاليادا – 30%-دان استام ءوستى.
«قازاقستاندا سوڭعى ەكى اپتادا سىرقاتتانۋ 31%-عا تومەندەدى. الەمدىك رەيتينگتە قازاقستان كوروناۆيرۋس ينفەكسياسىنا قارسى ەكى دوزامەن ۆاكسيناسيالاۋ بويىنشا 208 ەلدىڭ ىشىندە 103-ورىندا، ونىڭ ىشىندە تاۋەلسىز مەملەكەتتەر دوستاستىعى ەلدەرى اراسىندا قازاقستان ەكىنشى ورىندا تۇر، حالىق سانىنىڭ 44،5% ۆاكسينامەن قامتىلدى»، – دەدى ج.بۇركىتبايەۆ.
رەسپۋبليكادا پتر تەستتىڭ وڭ ناتيجەسىمەن كوروناۆيرۋس ينفەكسياسىنىڭ 984 مىڭ جاعدايى جانە ءپتر-دىڭ تەرىس ناتيجەسىمەن 83 مىڭ جاعداي تىركەلگەن، ناۋقاستاردىڭ 96%-تەن استامى ەمدەلىپ شىقتى. 18 852 ناۋقاس ەمدەلىپ جاتىر. جالپى قازاقستاندا سوڭعى ءتورت ايدا سىرقاتتانۋ دەڭگەيى 16 ەسە تومەندەدى. رەپرودۋكتيۆتى سانى – 0،90 جانە تامىز ايىمەن سالىستىرعاندا 1،2 ەسە تومەندەگەنى بايقالادى.
ينفەكسيالىق جانە رەانيماسيالىق توسەكتەردىڭ قامتىلۋى 19%، سوڭعى ءۇش ايدا ەمدەۋدى جالعاستىرۋشىلار سانى 4،5 ەسەگە ازايدى. حالىقتى كۆي-گە قارسى ۆاكسيناسيالاۋ جالعاسۋدا. ءبىرىنشى كومپونەنتپەن 8،9 ملن استام ادام ەگىلدى، ەگىلۋگە ءتيىستى حالىقتىڭ 80%-عا جۋىعى قامتىلدى. ەكىنشى كومپونەنتپەن 8،4 ملن استام ادام ەگىلدى، ەگىلۋگە ءتيىستى حالىقتىڭ 75%-عا جۋىعى قامتىلدى. ءقازىر Comirnaty (Pfizer) ۆاكسيناسىنىڭ ءبىرىنشى كومپونەنتىمەن 235 117 ادام ەگىلدى، ونىڭ ىشىندە 187 315 ءجاسوسپىرىم جانە 47 786 جۇكتى جانە بالا ەمىزەتىن ايەل بار. ەكىنشى كومپونەنتپەن 66 017 ادام ەگىلدى.
«ۆاكسينالاۋ جالعاسۋدا. قر-نىڭ 303 مىڭ ازاماتى ريەۆاكسيناسيا جاساتتى»، – دەدى دەنساۋلىق ساقتاۋ ءمينيسترى. قازىرگى ۋاقىتتا رەسپۋبليكادا كوروناۆيرۋس ينفەكسياسى بويىنشا ەپيدەميولوگيالىق جاعدايدىڭ بولجامىنا سايكەس، جەلتوقسان ايىندا تاۋلىگىنە ورتا ەسەپپەن 560 جاعداي تىركەلىپ، وپتيميستىك سەناريي ورىندالىپ جاتىر. «بۇگىندە رەسپۋبليكادا كوروناۆيرۋس ينفەكسياسى بويىنشا ەپيدەميولوگيالىق جاعدايدىڭ تۇراقتانعانى بايقالادى، جاعداي مينيسترلىكتىڭ باقىلاۋىنا الىنعان»، – دەدى جاندوس بۇركىتبايەۆ.