ءيىس سەزبەۋشىلىك مەديكامەنتتەرمەن ەمدەلمەيدى
"پاروسميا دەپ اتالاتىن ءيىس سەزبەۋشىلىكتى دارى-دارمەك ارقىلى تەز ەمدەپ الۋ مۇمكىن ەمەس"، - دەيدى رەسەيلىك دارىگەر-ينفەكسيونيست يليا اكينفييەۆ. بۇل تۋرالى رەن-تۆ-سايتىندا جاريالاندى، دەپ حابارلايدى Almfty-akshamy.kz ءتىلشىسى.
«ءجيى بولماسا دا، ماعان كەلەتىن پاسيەنتتەردىڭ اراسىندا ءيىس سەزبەيتىنىن ايتىپ، ەڭ سوراقىسى، پاتولوگيالىق يىستەرگە، ياعني جاعىمدى ءيىستى سەزبەي، كەرىسىنشە، تەك جاعىمسىز ساسىق ءيىستى سەزەتىنىنە شاعىمداناتىن ناۋقاستار كەزدەسەدى»، - دەيدى مامان.
دارىگەردىڭ سوزىنشە، مۇنداي ناۋقاستارعا بىردە ءبىر مەديكامەنتتى ەم كومەكتەسپەسە كەرەك. اكينفييەۆتىڭ ايتۋىنشا، ءيىس سەزۋدىڭ بۇزىلۋى ۋاقىت وتە كەلە اركىمدە ءار ءتۇرلى كەزەڭدە قالىپقا كەلەدى. كوبىنەسە ورتاشا ەسەپپەن العاندا كوروناۆيرۋستان كەيىن بولاتىن مۇنداي سالدار ەكى ايدا كەتەدى. الايدا جارتى جىل بويى ءيىس سەزۋدەن قالعان ناۋقاستار دا بايقالادى ەكەن.
وسىعان دەيىن ZOE COVID Study ماماندارى كوروناۆيرۋستىڭ "وميكرون" شتامى بەلگىلەرىنىڭ ءبىرى اسقا تابەتتىڭ جوعالۋى دەگەن بولاتىن.
كوروناۆيرۋستىڭ جاڭا مۋتاسياسىنا ءتان بەلگىلەر رەتىندە باستىڭ اۋىرۋى، مۇرىننىڭ ءبىتۋى، ءجيى تۇشكىرۋ، تاماقتىڭ اۋىرۋى جانە قاتتى شارشاعىشتىق اتالادى.