ولار 2،5 ملن تەڭگەدەن استام جاردەماقى الماعان.
وقۋ-اعارتۋ مينيسترلىگىنىڭ بالالاردىڭ قۇقىقتارىن قورعاۋ كوميتەتىنىڭ تەكسەرىسى ناتيجەسىندە 300-گە جۋىق جەتىم بالانىڭ قۇقىعى قالپىنا كەلتىرىلدى، دەپ حابارلايدى Almaty-akshamy.kz Baq.kz سىلتەمە جاساپ.
ولار جالپى سوماسى 2،5 ملن تەڭگەدەن استام جاردەماقى الماعان. بالالاردىڭ قۇقىقتارىن قورعاۋ كوميتەتىنىڭ تەكسەرىسىنەن كەيىن كامەلەتكە تولماعاندارعا تولەنبەگەن جاردەماقى قايتارىلدى.
«بۇل ماسەلە اكىمدىكتەردىڭ قۇزىرىنا جاتادى. ءبىراق ءبىزدىڭ كوميتەت جاعدايدى باقىلاۋدا ۇستاپ وتىر. ءتارتىپ پەن زاڭدىلىقتى قالپىنا كەلتىرۋ – ءبىزدىڭ باستى مىندەتىمىز. 2022 جىلدىڭ 1 ساۋىرىنەن باستاپ جاردەماقى مەن باسقا دا الەۋمەتتىك تولەمدەردى ەسەپتەۋ ءۇشىن اەك 3 063 تەڭگەدەن 3 180 تەڭگەگە دەيىن وسكەنىمەن، جاردەماقى ەسكى اەك بويىنشا تولەنىپ كەلگەن. جاردەماقى مولشەرىنىڭ ايىرماشىلىعى قامقورشىلاردىڭ شوتتارىنا جىبەرىلدى. وسىلايشا جەتىم بالالاردىڭ قۇقىعى قورعالدى»، – دەيدى بالالاردىڭ قۇقىقتارىن قورعاۋ كوميتەتىنىڭ ءتوراعاسى ناسىمجان وسپانوۆا.