الماتىدا قاڭتار وقيعاسىنان كەيىن شاعىن جانە ورتا بيزنەستىڭ قىزمەتى تولىعىمەن قالپىنا كەلتىرىلدى. شوب سۋبەكتىلەرىنە 16 ملرد تەڭگەدەن استام قاراجات تولەندى. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى اكىمىنىڭ ورىنباسارى الىشەر ءابدىقادىروۆ ايتتى.
«دامۋ» كاسىپكەرلىكتى دامىتۋ قورىمەن بىرلەسىپ، «Almaty Business» وڭىرلىك باعدارلاماسى اياسىندا «Jana Business» جاڭا قوسالقى ءونىم قۇرىلدى. ونى ىسكە اسىرۋعا 5 ملرد. تەڭگە قاراستىرىلعان. جەڭىلدەتىلگەن نەسيەلەر بويىنشا مولشەرلەمە 7% -دان 6%-عا دەيىن تومەندەتىلدى. نەسيەنىڭ ەڭ جوعارى سوماسى – 100 ملن.تەڭگە، نەسيەلەۋ مەرزىمى - 7 جىلعا دەيىن»، - دەدى الىشەر ءابدىقادىروۆ.
ساۋدا وپەراسيالارىنىڭ تيىمدىلىگىن ارتتىرۋ ماقساتىندا «Jana Business» باعدارلاماسىمەن جىلدىق مولشەرلەمەسى 8،5% بويىنشا فاكتورينگتىك مامىلەلەردى قارجىلاندىرۋ مۇمكىندىگى قاراستىرىلادى.
شاعىن جانە ورتا بيزنەستى دامىتۋدى ىنتالاندىرۋ بويىنشا قابىلدانعان شارالاردىڭ ارقاسىندا بيىلعى ءى جارتىجىلدىعىنىڭ قورىتىندىسى بويىنشا شوب-تىڭ الماتى ەكونوميكاسىنداعى ۇلەسى 60،3%-عا دەيىن ءوستى.