قالا اكىمدىگىنىڭ جۇمىسىندا حالىق تابىسىنىڭ ءوسۋىن ودان ءارى ارتتىرۋ باسىم بولىپ تابىلادى. بۇل رەتتە، باعانىڭ ءوسۋىنىڭ جوعارى قارقىنىن ساقتاۋ باستى مىندەت بولىپ قالا بەرەدى. بيىلعى 11 ايدا ينفلياسيا 18،9% بولدى.
ازىق-تۇلىك باعاسىن تۇراقتاندىرۋ ءۇشىن 15 ملرد تەڭگە ءبولىندى. «ماگنۋم» جەلىسىنىڭ سورەلەرىندە باعالاردى، سونىمەن قاتار، الەۋمەتتىك نان، سيىر ەتى مەن جۇمىرتقا وندىرۋشىلەرىنىڭ ساتۋ باعالارىن تۇراقتاندىرۋ جۇرگىزىلىپ وتىر.
«ماۋسىمارالىق كەزەڭدە كوكونىس باعاسىن تۇراقتاندىرۋ ءۇشىن ءبىز 20 مىڭ تونناعا جۋىق كوكونىستى الدىن الا «فورۆاردتىق» تۇردە ساتىپ الدىق. قوسىمشا «اينالىم قارىزى» تەتىگى شەڭبەرىندە پاۆلودار وبلىسىنىڭ وندىرۋشىلەرىنەن 4 مىڭ توننا كارتوپ پەن 1 مىڭ توننا ءسابىز ساتىپ الۋ جوسپارلانىپ وتىر»، - دەدى الىشەر ءابدىقادىروۆ.
2023 جىلدىڭ ءساۋىر-ماۋسىم ايلارىندا ەلىمىزدىڭ وڭتۇستىك وڭىرلەرىنەن، سونىمەن بىرگە، وزبەكستان، پاكىستان جانە يراننان ەرتە پىسەتىن كوكونىستەردى جەتكىزۋ ۇيىمداستىرىلادى.