بالالاردى دامىتۋدىڭ جاڭا مودەلى ەنگىزىلىپ جاتىر.
قازاقستاندا ءبىلىم بەرۋدى دامىتۋدىڭ 2026 جىلعا دەيىنگى تۇجىرىمداماسى دايىندالدى. بۇل تۋرالى ۇكىمەت وتىرىسىندا وقۋ-اعارتۋ ءمينيسترى اسحات ايماعامبەتوۆ ءمالىم ەتتى، دەپ حابارلايدى Almaty-akshamy.kz Baq.kz cىلتەمە جاساپ.
«تۇجىرىمدامادا ستراتەگيالىق جانە باعدارلامالىق بەلگىلەنگەن باسىمدىقتار، مەملەكەت باسشىسىنىڭ تاپسىرمالارى تولىق قامتىلدى. ءبىز ءتۇرلى حالىقارالىق تالداۋلاردىڭ ناتيجەلەرىن ەسكەرە وتىرىپ، ساراپشىلار مەن پەداگوگوگيكالىق قاۋىمداستىقپەن بارلىق ماسەلەنى تالقىلاپ، ءتيىستى ۇسىنىستاردى قامتىدىق»، – دەدى مينيستر.
ءمينيستردىڭ ايتۋىنشا، تۇجىرىمدامادا 6 باعىت 17 ينديكاتور جانە 109 ءىس-شارا ۇيىمداستىرۋ كوزدەلىپ وتىر.
«ونىڭ نەگىزگى باعىتتارىنىڭ ءبىرى بالالاردى – ەرتە دامىتۋ. ءبىلىم سالاسىنىڭ ەڭ ماڭىزدى دەڭگەيى - بالاباقشا. زەرتتەۋگە سايكەس، بالانى ەموسيونالدى، الەۋمەتتىك، فيزيولوگيالىق دامۋىندا بالاباقشالاردىڭ اسەرى وراسان زور. سول سەبەپتى بالالاردى دامىتۋدىڭ جاڭا مودەلى ەنگىلىپ جاتىر. ونىڭ ىشىندە باعدارلاما دا، وقىتۋ ادىستەرى دە تۇبەگەيلى وزگەرىپ جاتىر»، – دەدى ايماعامبەتوۆ.
ۆەدومستۆا باسشىسىنىڭ اتاپ وتۋىنشە، مۇنىڭ الدىنداعى باعدارلاما تىم اكادەميالىق بولىپ، 3-4 جاسار بالالاردى وتىرعىزىپ قويىپ، 20 مينۋت ساباق وقىتىلسا، ەندى حالىقارالىق زەرتتەۋگە ساي، ولاردىڭ ساباقتارى جاس ەرەكشەلىكتەرىنە بايلانىستى ويىن ارقىلى جۇرگىلىزىلمەك.
ويىن – بالانىڭ جانى مەن تانىنە ساي كەلەتىن تابيعي ارەكەت. بالا سول ارقىلى قورشاعان ورتانى زەرتتەپ، ونى تاني وتىرىپ، قاجەتتى داعدىلارىن دامىتادى، – دەدى ول.