جاۋاپ رەتىندە قاتاڭ شارالار قابىلداۋى مۇمكىن ەكەنىن ەسكەرتتى.
سولتۇستىك كورەيا سەيسەنبىدە وڭتۇستىك كورەيا مەن اقش-تىڭ دۇيسەنبىدە باستالعان بىرلەسكەن اۋە جاتتىعۋلارىنا جاۋاپ رەتىندە قاتاڭ شارالار قابىلداۋى مۇمكىن ەكەنىن ەسكەرتتى، دەپ حابارلايدى Almaty-akshamy.kz cىلتەمە جاساپ.
"بۇل نەگىزىنەن كورەيا تۇبەگىندەگى جاعداي كۇرت وزگەرەر بولسا، كحدر-دىڭ ستراتەگيالىق نىساندارىنا سوققى بەرۋدى پىسىقتاۋعا باعىتتالعان اگرەسسيۆتى اسكەري جاتتىعۋلار"، - دەلىنگەن كورەيانىڭ ورتالىق اقپارات اگەنتتىگى (كواا) جاريالاعان كحدر ءسىم وكىلىنىڭ مالىمدەمەسىندە.
ديپلومات پحەنيان "ءوزىنىڭ ەگەمەندىگىن، حالىقتىڭ قاۋىپسىزدىگى مەن اۋماقتىق تۇتاستىعىن سىرتقى اسكەري قاۋىپتەردەن قورعاۋ ءۇشىن بارلىق قاجەتتى شارالاردى قابىلداۋعا دايىن" دەپ ەسكەرتتى.
"ەگەر اقش اسكەري ارانداتۋشىلىقتى ارى قاراي جالعاستىرار بولسا، كحدر ودان دا كۇشتى جاۋاپ قايتارادى"، — دەلىنگەن حابارلامادا.
سوڭعى بەس جىلدا Vigilant Storm اقش-وڭتۇستىك كورەيانىڭ العاشقى ءىرى بىرلەسكەن اۋە جاتتىعۋلارى دۇيسەنبىدە باستالدى. وقۋ-جاتتىعۋعا 240-تان استام ۇشاق، سونىڭ ىشىندە جاڭارتىلعان "كورىنبەيتىن" ۇشاقتار جۇمىلدىرىلعان.
وڭتۇستىك كورەيا اسكەري-اۋە كۇشتەرى اتىنان شامامەن 140 ۇشاق، ولاردىڭ اراسىندا F-35A "كورىنبەيتىن" جاۋىنگەرلەرى، سونداي-اق F-15K مەن KF-16 ۇشاقتارى جۇمىلدىرىلعان. اقش اۋە كۇشتەرىنەن جاپونيانىڭ وكيناۆا ارالىندا ورنالاسقان F-35B "كورىنبەيتىن" جاۋىنگەرلەرى مەن EA-18 ەلەكتروندى سوعىس ۇشاقتارىن قوسا العاندا، 100 بىرلىك تەحنيكا ۇسىنىلعان. وقۋ-جاتتىعۋ بارىسىندا بارلىعى 1،6 مىڭنان استام جاۋىنگەرلىك ۇشۋدى ورىنداۋ جوسپارلانۋدا.
"وداقتاستار "سولتۇستىك كورەيا تارپىنان قاۋىپ-قاتەرلەردىڭ وسۋىنە توسقاۋىل قويۋدى كۇشەيتۋگە تىرىسادى"، - دەپ اتاپ ءوتتى اگەنتتىك جەرگىلىكتى شەنەۋنىكتەردىڭ مالىمدەمەسىنە سىلتەمە جاساپ.