جوندەۋ جۇمىستارى كەشەندى باعدارلاما شەڭبەرىندە جۇرگىزىلىپ جاتىر.
جول جوندەۋ جۇمىستارىمەن شۇعىلداناتىن قازاقستاندىق ماماندار جىل باسىنان بەرى جاساعان جۇمىسى جايىندا ايتتى، دەپ حابارلايدى Almaty-akshamy.kz.
«جوندەۋ جۇمىستارى جول قاۋىپسىزدىگىن قامتاماسىز ەتۋ جانە جول توسەمىن ودان ارمەن بۇزىلۋدان ساقتاۋ ماقساتىنداعى كەشەندى باعدارلاما شەڭبەرىندە جۇرگىزىلۋدە»، - دەلىنگەن يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنىڭ حابارلاماسىندا.
اۆتوكولىك جولىنىڭ تەگىستىگى جايلىلىقتى ساقتاۋ ءۇشىن عانا ەمەس، سونداي-اق جول قوزعالىسى كەزىندەگى قاۋىپسىزدىكتى قامتاماسىز ەتۋدە دە وتە ماڭىزدى. جولداعى قوزعالىس جيىلىگىنىڭ ارتۋىنا بايلانىستى جول توسەمدەرىندە ءتۇرلى اقاۋلار پايدا بولۋدا. ءوز كەزەگىندە وي-شۇڭقىرلاردى تەز ارادا جوندەۋ قاجەت ەكەندىگى بەلگىلى. بۇگىندە جول جامىلعىسىن قالپىنا كەلتىرۋدىڭ ەڭ كوپ تاراعان ءتۇرى ءارى ءتيىمدى ءادىسى – شۇڭقىرلاردى تەگىستەۋ.
بيىلعى جىلى «قازاۆتوجول» ج ش س رەسپۋبليكالىق ماڭىزى بار جولدارداعى 257 992 شارشى مەتر شۇڭقىردى جوندەگەن. بۇدان بولەك، 92،8 مىڭ شارشى مەتر ءتۇرلى اقاۋلار قالپىنا كەلتىرىلىپ، 672 مىڭ شارشى مەتر اۋماقتاعى جارىقشاقتاردى بىتەۋ جۇمىستارى جۇرگىزىلگەن.