پرەزيدەنت اۋليەتاۋدىڭ ەتەگىندە مەملەكەتتىك رامىزدەر الاڭىن اشۋدى تاپسىردى.
ۇلىتاۋدا ۇلتتىق قۇرىلتايتىڭ العاشى جيىنى ءوتىپ جاتىر، دەپ حابارلايدى Almaty-akshamy.kz.
مەملەكەت باسشىسى قاسىم-جومارت توقايەۆ ۇلتتىق قۇرىلتايدىڭ ۇلىتاۋدا باستالعانى دۇرىس بولعانىن العا تارتتى. ونىڭ ايتۋىنشا كيەلى ولكە جاڭا قازاقستاندى قۇرۋ جولىندا بىرلىكتىڭ سيمۆولىنا اينالدى. وسى ورايدا پرەزيدەنت تاعى ءبىر باستاما كوتەردى.
"بۇل جەردە بارلىق رۋلاردىڭ تاڭباسى تاسقا جازىلعان. سول ارقىلى بابالارىمىز ۇلت بىرلىگىن كورسەتكەن. قانىش ساتبايەۆ «ەلىمىزدىڭ تۋ تىككەن جەرى – تاڭبالى تاس» دەگەن. وكىنىشكە قاراي، قاستەرلى جازۋلار كەيىن ابدەن ءبۇلىندى. ەل ازاماتتارى ۇلىتاۋعا ەسكەرتكىش قويىپ، تاستاعى تاڭبالاردى جاڭعىرتتى. ءبىراق، بۇل جەتكىلىكسىز دەپ ويلايمىن. مۇندا قازاقتىڭ بىرلىگىن ايگىلەيتىن ساۋلەتتى نىسان تۇرۋى كەرەك"، - دەدى قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ.
قۇرىلتاي جيىنى بارىسىندا پرەزيدەنت كيەلى جەردە ەلىمىزدىڭ كوك بايراعى جەلبىرەپ تۇرۋى كەرەكتىگىن ايتتى.
"مەن اۋليەتاۋدىڭ ەتەگىندە مەملەكەتتىك رامىزدەر الاڭىن اشۋدى تاپسىرامىن. قاسيەتتى وڭىردە كوك بايراعىمىز اسقاقتاپ تۇرۋعا ءتيىس. سول ارقىلى ۇرپاقتار ساباقتاستىعى جالعاسىپ جاتقانىن كورسەتەمىز. تامىرى تەرەڭ مەملەكەتتىگىمىزدىڭ جاڭا ءداۋىرى باستالعانىن بىلدىرەمىز"، - دەدى مەملەكەت باسشىسى.