2024 جىلدىڭ قازان ايىنىڭ 1ء-شى جۇلدىزىندا ساعات 19:00-دە ب.بايقاداموۆ اتىنداعى مەملەكەتتىك حور كاپەللاسىنىڭ 89-شى جاڭا ماۋسىمىنىڭ اشىلۋىنا ارنالعان كونسەرتى وتەدى
كەشتە قازاقستاننىڭ حالىق ءارتىسى يەگەرلەرى - روزا رىمبايەۆا، ايگۇل ۇلكەنبايەۆا، رامازان ستامعازييەۆ قوناق بولىپ، ءوز ونەرىن كورسەتەتىن بولادى. باعدارلامادا قازاق جانە شەتەل كومپوزيتورلارىنىڭ شىعارمالارى ورىندالادى، دەپ حابارلايدى aqshamnews.kz
كاپەللانىڭ كوركەمدىك جەتەكشىسى جانە باس ديريجەرى، قازاقستاننىڭ ەڭبەك سىڭىرگەن قايراتكەرى - بەيىمبەت دەمەۋوۆ.
كەش قوناقتارى:
قازاقستاننىڭ حالىق ارتىستەرى:
روزا رىمبايەۆا
ايگۇل ۇلكەنبايەۆا
رامازان ستامعازييەۆ
حالىقارالىق بايقاۋلاردىڭ لاۋرەاتى:
فارحات كۋبييەۆ
ءازيزا ابدرەيم
ديار نۇرسۇلتانوۆ
باعدارلامادا:
س.سەيفۋللين – «تاۋ ىشىندە»
س.بايتەرەكوۆ – «كۇي»
م.ساعاتوۆ - «جايلاۋدا»
ع.جۇبانوۆا - «جالعىز ەمەن»
ل.حاميدي - «بۇلبۇل» حورعا ءوڭد. ا.مولودوۆ
و.لاسسو – «ەحو»
س.راحمانينوۆ – «بوگوروديسە ديەۆا، رادۋيسيا»
گ.سۆيريدوۆ – «ناتاشا» «پۋشكينسكيي ۆەنوك» حور كونسەرتىنەن
گ.سۆيريدوۆ - «سترەكوتۋنيا بەلوبوكا»
ز.كوداي – «ەل سىگان سولەنىي سىر»
ب.بايقاداموۆ – «بي كۇيى»
ب.بايقاداموۆ - «سۋ تاسۋشى قىز»
قاز. حال.ءانى – «احاۋ كەرىم»
جاياۋ مۇسا – «اقسيسا»
قاز.حال.ءانى – «اققۋراي»
قاز.حال.ءانى – «ەليگاي»
قاز.حال.ءانى – «جايدارمان»
قاز.حال.ءانى – «شولپان»
ە. ۇسەنوۆ - «كەربەز سۇلۋ» ءوڭد. ءا. تولىقپايەۆ
التىناي - «اقجەلەڭ»
اقان سەرى - «شىرماۋىق»
اقان سەرى – «ماقپال»
اباي - «جەلسىز تۇندە جارىق اي»
باقىتجان بايقاداموۆ اتىنداعى مەملەكەتتىك حور كاپەللاسى 1935 جىلى دميتريي ماسۋسيننىڭ باسقارۋىمەن جامبىل اتىنداعى قازاق مەملەكەتتىك اكادەميالىق فيلارمونياسى قابىرعاسىندا شاعىن حور بولىپ قۇرىلدى. ۇجىمنىڭ حالىق ونەرىنە ايانباي قىزمەت ەتۋىنىڭ ارقاسىندا 1939 جىلى قازاق كسر ۇكىمەتىنىڭ قاۋلىسىمەن مەملەكەتتىك حور كاپەللاسى دارەجەسى بەرىلدى. سوندىقتان، حور كاپەللاسىنىڭ مەملەكەتتىك دارەجەنى العانىنا بيىل 85 جىل تولىپ وتىر. ال، 1935 جىلدان باستاۋ العان ۇجىم بۇگىن 89-شى كونسەرتتىك ماۋسىمىن اشادى. جالپى، 2025 جىلى باقىتجان بايقاداموۆ اتىنداعى مەملەكەتتىك حور كاپەللاسىنىڭ قۇرىلعانىنا 90 جىل تولادى.
ۇجىمنىڭ قالىپتاسىپ دامۋىنا بوريس لەبەديەۆ، لاتيف حاميدي، بوريس ورلوۆ، باقىتجان بايقاداموۆ، گالينا ۆينوگرادوۆا زور ۇلەستەرىن قوستى. 1959 جىلدان 1991 جىلعا دەيىن حور كاپەللاسىن كسرو حالىق ءارتىسى، مەملەكەتتىك سىيلىقتىڭ لاۋرەاتى، پروفەسسور اناتوليي ۆاسيليەۆيچ مولودوۆ باسقاردى. وسى جىلدارى ەلىمىزدىڭ مۋزىكا ونەرىنىڭ دامۋىنا قوسقان ۇلەسى ءۇشىن كاپەللاعا 1967 جىلى «قازاقستاننىڭ ەڭبەك سىڭىرگەن ۇجىمى» اتاعى بەرىلدى. ۇجىم رەپەرتۋارىندا حالىق اندەرى مەن كۇيلەرىنىڭ حورعا ارنالعان وڭدەۋلەرى، پوەمالار، ورىس جانە شەتەل كلاسسيكتەرىنىڭ كورنەكتى شىعارمالارىنىڭ كانتاتالارى مەن وراتوريالارى، سونىمەن قاتار م.تولەبايەۆ، ب.بايقاداموۆ، ە. راحمادييەۆ، ع.جۇبانوۆا، م.ساعاتوۆ، س.مۇحامەدجانوۆ سىندى قازاقستاندىق كومپوزيتورلاردىڭ تۋىندىلارى ورىن العان. بۇگىنگى كۇنى ۇجىم رەپەرتۋارىندا جالپى بەس جۇزدەن استام شىعارما بار، ولار الەم حالىقتارىنىڭ 20 تىلىندە ورىندالادى. بۇگىندە الەمنىڭ بىرەگەي ۇجىمدارىنىڭ قاتارىنداعى كاپەللا ەلىمىزبەن قاتار، الىس جاقىن شەت ەلدەردە، ونىڭ ىشىندە قىرعىزستان، وزبەكستان، رەسەي، تۇركيا، گەرمانيا، ءۇندىستان، جۇڭگو رەسپۋبليكاسى، ۆەنگريا، اقش ەلدەرىندە ونەر كورسەتكەن.
بيىل ب.بايقاداموۆ اتىنداعى مەملەكەتتىك حور كاپەللاسىنىڭ قۇرىلعانىنا 89 جىل تولىپ وتىر. وسى جىلدار دا، ءقازىر دە ۇجىم ءوزىنىڭ شىعارمالارىن جاڭارتىپ، ەلىمىزدىڭ مۋزىكا مادەنيەتىنىڭ دامۋى جولىندا ءوز ۇلەسىن قوسىپ، تىڭدارمانداردىڭ سۇيىسپەنشىلىگىنە بولەنىپ كەلەدى.