ەلىمىزدىڭ وڭىرلەرىندە ەگىن جيناۋ ناۋقانى جالعاسۋدا.
ءداندى جانە ءداندى-بۇرشاقتى داقىلداردىڭ بولجامدى جيناۋ الاڭى 16 ملن گەكتاردان اسادى، - دەپ حابارلايدى Aqshamnews.kz.
بۇگىنگى تاڭدا 8،4 ملن گەكتار نەمەسە جالپى ەگىس القاپتارىنىڭ 52،6%-ى جينالدى. ناتيجەسىندە 12،7 ملن توننا استىق باستىرىلدى.
ءداندى داقىلداردان بولەك، اۋىل شارۋاشىلىعى تاۋارىن وندىرۋشىلەر 435 مىڭ توننا مايلى داقىل، گەكتارىنا 224،3 سەنتنەر ونىمدىلىكپەن 1،5 ملن توننا كارتوپ جانە گەكتارىنا 284،5 سەنتنەر ونىمدىلىكپەن شامامەن 2،5 ملن توننا كوكونىس جينادى.
اتاپ ايتقاندا، 330،1 س/گا ونىمدىلىكپەن 396 مىڭ توننادان استام قىرىققابات، 423،3 س/گا ونىمدىلىكپەن 676،7 مىڭ توننا پياز، سونداي-اق 296،6 س/گا ونىمدىلىكپەن 241،2 مىڭ توننا ءسابىز جينالدى.
ەگىن جيناۋ ناۋقانى ۇيىمداسقان تۇردە، اگروتەحنيكالىق تالاپتارعا ساي مەرزىمدە وتۋدە.