الماتىدا Halyk قايىرىمدىلىق قورىنىڭ قولداۋىمەن اۋىل سپورتىن دامىتۋعا ارنالعان AUYLSPORT جوباسىنىڭ تانىستىرىلىمى ءوتتى، دەپ حابارلايدى aqshamnews.kz.
شارادا AUYLSPORT جوباسىنىڭ اۋىلدىق ايماقتارداعى بۇقارالىق سپورتتى دامىتۋداعى ءرولى مەن ماڭىزى، الداعى جوسپارلار جانە وڭىرلەردە وتەتىن سپورتتىق ءىس-شارالار تۋرالى تولىق اقپارات ۇسىنىلدى. جوبانى Halyk قايىرىمدىلىق قورىنىڭ الماتى وبلىسى بويىنشا فيليالىنىڭ ديرەكتورى جاقسىلىقوۆ عالىمبەك جاقسىلىق ۇلى تانىستىردى.
تانىستىرىلىمعا ەلىمىزدىڭ سپورت سالاسىنداعى ماقتانىشتارى، تانىمال سپورتشىلار، وليمپيادا چەمپيونى ەرماحان يبرايموۆ پەن دجيۋ-دجيتسۋدان سەگىز دۇركىن الەم چەمپيونى جىبەك قۇلىمبەتوۆا جانە وزگە دە سپورتشىلار قاتىستى.
AUYLSPORT جوباسىنىڭ نەگىزگى ماقساتى:
اۋىلدىق بالالار مەن جاسوسپىرىمدەردى سپورتقا تارتۋ؛
سپورتتى ناسيحاتتاۋ جانە بۇقارالىق سپورتتى دامىتۋ؛
اۋىلداعى جاتتىقتىرۋشىلاردىڭ بىلىكتىلىگىن ارتتىرۋ جانە جاڭا داعدىلاردى ۇيرەتۋ."ەلدەگى سپورت سالاسىنداعى جەتىستىكتەردى، كورسەتكىشتەردى وليمپيادا ويىندارىمەن بايلانىستىراتىنىمىز جاسىرىن ەمەس. وليمپيادا جۇلدەگەرلەرىنىڭ باسىم كوپشىلىگى اۋىلدان شىققان سپورتشىلار ەكەن. "حالىق" قايىرىمدىلىق قورى اۋىلفۋتبول جوباسىن قولداۋ بارىسىندا كەزدەسكەن ماسەلەلەردى نازارعا الا وتىرىپ جانە اۋىلدىق ەلدى مەكەندەردە فۋتبول عانا ەمەس باسقا دا سپورت تۇرلەرىن دامىتۋعا ۇلەس قوسۋ ءۇشىن #اۋىلسپورت جوباسىن قولعا الدى. جوبا اياسىندا ەلىمىزدىڭ بارلىق وڭىرىنەن 6 سپورت ءتۇرى بويىنشا 12 مىڭعا جۋىق اۋىل بالاسىن قامتۋ كوزدەلۋدە"، - دەپ اتاپ ءوتتى شارادا "حالىق" قايىرىمدىلىق قورىنىڭ الماتى وبلىسى بويىنشا فيليالىنىڭ ديرەكتورى عالىمبەك جاقسىلىقوۆ.
بوكس، كۇرەس جانە كاراتە سپورتى بويىنشا ايماقتىق تۋرنيرلەر 4 سالماق دارەجەسى بويىنشا (40 كگ دەيىن، 40-50 كگ، 50-55 كگ، 55 كگ جانە جوعارى)، باسكەتبول جانە ۆولەيبول 2 جاس ارالىعى بويىنشا قىزدار جانە ۇلدار (10-14 جاس ارالىعى جانە 14-17 جاس ارالىعى)، شاحماتتان 4 جاس ارالىعى بويىنشا (6-8، 8-12، 12-14، 14-تەن جوعارى) جۇرگىزىلەدى.
وڭىرلىك ليگانىڭ جەڭىمپازدارى سپورتتىق فورما جانە جاتتىعۋ قۇرالدارىمەن قامتاماسىز ەتىلەدى. رەسپۋبليكالىق قورىتىندى ليگانىڭ جەڭىمپاز سپورتشىلارى مەن كوماندالارىنا ارنايى ورىنداردا وقۋ-جاتتىعۋ جيىنى ۇيىمداستىرىلادى.
ايتا كەتەيىك، بۇل جوبا Halyk قايىرىمدىلىق قورىنىڭ ەلىمىزدىڭ تۇكپىر-تۇكپىرىندەگى مۇقتاج جانداردى قولداۋعا جانە حالىقتىڭ ءومىر ءسۇرۋ جاعدايىن جاقسارتۋعا باعىتتالعان جوبالارىنىڭ ءبىرى. قور اۋىلداعى سپورتتى دامىتۋعا وسىعان دەيىن 500 ميلليونعا جۋىق قارجى ءبولدى.
سونداي-اق، 2016 جىلى تيمۋر قۇلىبايەۆتىڭ جەتەكشىلىگىمەن قۇرىلعان Halyk قورى، وسىعان دەيىن 120-دان استام الەۋمەتتىك جوبانى جۇزەگە اسىرىپ، 85 ميلليارد تەڭگەگە كومەك كورسەتتى.