الماتىدا الەمنىڭ جەتەكشى ساراپشىلارى باس قوسىپ، وزىق تاجىريبەسىمەن ءبولىستى.
ولار ەل ەكونوميكاسى مەن حالىقتىڭ ءال-اۋقاتىنا ۇلكەن ءقاۋىپ توندىرەتىن اپاتتاردان ساقتاندىرۋدىڭ ءتيىمدى تاسىلدەرىنە توقتالدى، دەپ حابارلايدى aqshamnews.kz.
ماسەلەن «Howden Re» حالىقارالىق كومپانياسىنىڭ وكىلى ارمين حادجيچ «قازاقستان ءۇشىن جەر سىلكىنىسى ءقاۋپىن باعالاۋ» تاقىرىبىندا ارنايى زەرتتەۋىن تانىستىردى. بىلىكتى مامان حالىقارالىق تاجىريبەلەردىڭ ۇزدىگىن ىرىكتەي كەلە، قازاقستان ۇكىمەتىنە ءوز جوباسىن دايىنداعان. بۇل باعىتتا ساقتاندىرۋدىڭ ۇلتتىق ستراتەگياسىن ازىرلەۋ جوسپارلانىپ وتىر.
ولجاس اشكەيەۆ، «ساقتاندىرۋ تولەمدەرىنە كەپىلدىك بەرۋ قورى» اق ءتوراعاسىنىڭ ورىنباسارى:
جەر سىلكىنىسىنەن كەيىن بەلسەندىلىك ارتتى. وعان دەيىن وكىنىشكە وراي، بولدى ساقتاندىرىپ جۇرگەندەر،ءبىراق ونداي قارقىندى بولمادى. سول تاۋەكەلدى ساقتاندىرسا، اپات بولعاندا، ۇيىم تولەپ بەرەدى. بىرىنشىدەن، حالىقتىڭ سەنىمدىلىگىن ارتتىرۋ كەرەك ساقتاندىرۋ ۇيىمدارىنا دەگەن، جۇيەسىنە دەگەن.اقپارات تولىق بەرۋ كەرەك. سول كەزدە ەرىكتى تۇردە ساقتاندىرادى.