وقيعا 1 قازان كۇنى الماتى قالاسى تۇركسىب اۋدانىنداعى ايىپپۇل تۇراعى اۋماعىندا تىركەلدى.
33 جاستاعى ەر ادام الدىمەن كولىگىن، سوسىن ءوزىن ورتەپ جىبەرگەن، دەپ حابارلايدى aqshamnews.kz Polisia.kz-كە سىلتەمە جاساپ.
– ساعات 13:10-دا مامانداندىرىلعان پاترۋلدىك پوليسيا باتالونىنىڭ ەكيپاجى Subaru كولىگىن توقتاتتى. كولىك يەسىنىڭ 1،300 ملن تەڭگە كولەمىندە تولەنبەگەن ايىپپ ۇلى بولعان. تەكسەرۋ كەزىندە جۇرگىزۋشىنىڭ مىندەتتى ساقتاندىرۋ ءپوليسى بولماعان. بەلگىلەنگەن ەرەجەلەرگە سايكەس، كولىك قۇرالى مامانداندىرىلعان ايىپپۇل تۇراعىنا قويىلۋى ءتيىس، جۇرگىزۋشى ءبىراز ۋاقىتتان كەيىن وسىندا قايتىپ كەلگەن. جۇرگىزۋشى كولىكتىڭ ىشىندە وتىرىپ، كولىك قۇرالىنا سوسىن وزىنە بەنزين شاشىپ، جاعىپ جىبەردى. پوليسيا قىزمەتكەرلەرى ەر ادامدى قۇتقارۋ ءۇشىن جەدەل شارالار قابىلدادى. ءورت سوندىرگىشپەن جانە قولدا بار قۇرالدارمەن ءورتتى ءسوندىردى. جۇرگىزۋشى شۇعىل تۇردە اۋرۋحاناعا جەتكىزىلدى. كولىكتى سوندىرۋگە پوليسيا قىزمەتكەرلەرى مەن وقيعانىڭ كۋاگەرلەرى قاتىستى، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى سەرىك شۋمايەۆ.