جىل سوڭىنا دەيىن 1 مىڭ شاقىرىم جول اشىلادى.
اۆتوجول سالاسىنداعى ىسكە اسىرىلىپ جاتقان جوبالار تۋرالى ماجىلىستە وتكەن ۇكىمەت ساعاتىندا يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ ايتىپ بەردى، دەپ حابارلايدى Almaty-akshamy.kz.
«ەلىمىزدەگى اۆتوموبيل جولدارىنىڭ جالپى ۇزىندىعى 96 مىڭ شاقىرىمدى قۇرايدى. سونىڭ ىشىندە 25 مىڭ شاقىرىمى – رەسپۋبليكالىق ماڭىزى بار جولدار بولسا، 21 مىڭ شاقىرىمى – وبلىستىق جانە اۋداندىق ماڭىزى بار جولدار. مەملەكەت باسشىسىنىڭ تاپسىرماسىنا سايكەس، العا قويعان ماقساتتاردىڭ ءبىرى – 2025 جىلى رەسپۋبليكالىق جەلى بويىنشا نورماتيۆتىك جاعدايداعى جولداردىڭ ۇلەسىن 100%-عا دەيىن، ال جەرگىلىكتى جول جەلىلەرى بويىنشا 95%-عا جەتكىزۋ»، - دەپ اتاپ ءوتتى ۆەدومستۆو باسشىسى.
ءمينيستردىڭ ايتۋىنشا، كولىكتىك-ترانزيتتىك الەۋەتتى دامىتۋ اۆتوموبيلدىك ترانزيتتەردى ارتتىرۋ ارقىلى قامتاماسىز ەتىلەدى.
«بۇگىندە ەلىمىزدەگى 8 اۆتوموبيلدىك-ترانزيتتىك ءدالىزدىڭ جالپى ۇزىندىعى 13 مىڭ شاقىرىمدى قۇرايدى. قازىرگى تاڭدا رەسپۋبليكالىق جەلى بويىنشا نورماتيۆتىك جاعدايدا 90% جول، جەرگىلىكتى جەلى بويىنشا 80% جول بار. بيىل جالپىحالىقتىق جالپىعا ورتاق پايدالانىلاتىن 11 مىڭ شاقىرىمنان استام اۆتوجولدى قۇرىلىس-مونتاجداۋ جۇمىستارى جۇرگىزىلىپ جاتىر»، - دەدى قايىربەك وسكەنبايەۆ.