جاتتىعۋلار 17-30 قازان كۇندەرى بەلگيادا وتەدى.
قازاننىڭ 17 كۇنى ناتو-نىڭ Steadfast Noon يادرولىق ءقاۋىپتى تەجەۋ بويىنشا جوسپارلى جاتتىعۋلارى باستالدى، دەپ حابارلايدى Almaty-akshamy.kz DW سىلتەمە جاساپ.
سولتۇستىك اتلانتيكالىق اليانستىڭ رەسمي سايتىندا بۇل قازىرگى الەمدىك وقيعالارعا قاتىسى جوق جوسپارلى مانيەۆرلەر ەكەنىن اتاپ كورسەتىلگەن. ولاردىڭ نەگىزگى بولىگى رەسەيدەن 1000 شاقىرىمنان استام قاشىقتىقتا وتەدى.
وقۋ-جاتتىعۋعا 14 مەملەكەت پەن ءارتۇرلى ۇلگىدەگى 60 ۇشاق، سونىڭ ىشىندە يادرولىق وقتۇمسىقتاردى جەتكىزۋگە قابىلەتتى جويعىشتار، قاراپايىم جويعىشتار، بارلاۋ ۇشاقتارى مەن تانكەر ۇشاقتارى قاتىسادى.
«شاراعا وتكەن جىلدارداعىداي امەريكاندىق B-52 الىس قاشىقتىققا ۇشاتىن بومبالاۋشى ۇشاقتارى قاتىسادى، ولار بيىل سولتۇستىك داكوتاداعى مينوت اۋە بازاسىنان ۇشادى. جاتتىعۋ ۇشۋلارى بەلگيانىڭ، سونداي-اق سولتۇستىك تەڭىز جانە ۇلىبريتانيا ۇستىنەن وتەدى.ەشقانداي اسكەري قارۋ قولدانىلمايدى"، - دەپ كورسەتىلگەن سايتا.