قازاقستاندا 11 جاسار قىزدارعا ادام پاپيللوماۆيرۋسىنا قارسى ۆاكسينا ەگۋ قولعا الىنباقشى.
ۆاكسينانى اتا-انانىڭ جازباشا كەلىسىمىمەن جاڭا وقۋ جىلىنىڭ باسىندا، 2024 جىلدىڭ كۇزىندە، قازاقستان رەسپۋبليكاسىنىڭ مەكتەپتەرىندە تولىعىمەن تەگىن الۋعا بولادى، دەپ حابارلايدى Almaty-akshamy.kz.
جوعارى ونكوگەندى ءقاۋىپتى ادام پاپيللوماۆيرۋسى جاتىر موينى وبىرىنىڭ دامۋىنىڭ نەگىزگى ەتيولوگيالىق فاكتورى. جاتىر موينى وبىرىنىڭ 97%-ى وسى ۆيرۋسپەن بايلانىستى. سوزىلمالى ۆيرۋس تاسىمالداۋ بەلگىلى ءبىر جاعدايدا جاتىر موينى وبىرىنىڭ دامۋىنا اكەلۋى مۇمكىن.
بۇگىندە جاتىر موينى وبىرى دامۋشى ەلدەردەگى ايەلدەر اراسىندا ءجيى كەزدەسەتىن قاتەرلى ىسىكتىڭ ءبىرى.
تەك الماتىنىڭ وزىندە 2023 جىلى جاتىر موينى وبىرىنا شالدىققان 223 جاعداي جاڭادان انىقتالسا، الماتى ونكولوگيالىق ورتالىعىندا بارلىعى 2522 ايەل وسى اۋرۋمەن ەسەپتە تۇر.
جاتىر موينى قاتەرلى ىسىگى ەش سيمپتومسىز ءوتۋى نەمەسە جىنىس جولدارىنان كەز كەلگەن قالىپتى ەمەس ءبولىنىس، ءىشتىڭ تومەنگى بولىگىندەگى جانە بەل ايماعىنداعى اۋىرسىنۋ ورىن الۋى مۇمكىن.
الماتى ونكولوگيالىق ورتالىعى ونكولوگيا بولىمشەسىنىڭ مەڭگەرۋشىسى رايحان بولاتبەكوۆا جاتىر موينى وبىرى بىردەن-بىر تولىق الدىن الۋعا بولاتىن ىسىك ەكەنىن اتاپ ءوتتى.
سوندىقتان ونكولوگ ادام پاپيللوماۆيرۋسىنا قارسى ۆاكسينانى الۋدى ۇسىنادى:
«جاپپاي ەكپە الاتىن تۇرعىنداردىڭ نەگىزگى بولىگى 9-13 جاس ارالىعىنداعى ءجاسوسپىرىم قىزدار. بۇل كەزەڭ قىزداردى جىنىستىق بەلسەندىلىكتىڭ باستالۋىنا دەيىن جاپپاي ەگۋ ماقساتىندا تاڭدالدى، ويتكەنى جىنىستىق بەلسەندىلىك 10 جاستا باستالعان جاعداي ورىن العان. اقش-تا جۇرگىزىلگەن زەرتتەۋلەر 10 جاستاعى جاسوسپىرىمدەردىڭ 2%-ى جىنىستىق ءومىردى 10-11 جاستا باستاعانىن كورسەتتى. ەڭ دۇرىسى، ايەل جىنىستىق بەلسەندىلىككە كىرىسپەس بۇرىن ۆاكسينانى الۋى كەرەك. ددسۇ ۆاكسينانى 26 جاسقا دەيىن الۋدى ۇسىنسا، اقش-تا ۆاكسينانى 45 جاسقا دەيىن الۋدى ۇسىنادى. بۇل جىنىستىق بەلسەندى ايەلدەر ءۇشىن اپۆ ۆاكسيناسى پايدالى ەكەنىن بىلدىرەدى، ءبىراق ۆاكسينانىڭ اسەرى جىنىستىق بەلسەندى بولعانعا دەيىنگىگە قاراعاندا ازىراق بولادى. سەبەبى ولار اپۆ ۆيرۋسىنىڭ ءبىر نەمەسە بىرنەشە تۇرىنە ۇشىراعان بولۋى مۇمكىن. دەگەنمەن، جىنىستىق بەلسەندى ايەلدەر ۆاكسينا ارقىلى الدىن الۋعا بولاتىن اپۆ تۇرلەرىن جۇقتىرعان، سوندىقتان ايەلدەردىڭ كوپشىلىگى ۆاكسينا الۋ ارقىلى قورعانا الادى»، - دەيدى مامان.
زەرتتەۋلەر كورسەتكەندەي، ۆاكسينانىڭ قورعاۋ مەرزىمى ۇزاققا سوزىلادى. جۇرگىزىلگەن زەرتتەۋ ناتيجەلەرىنە سۇيەنسەك، ەكپەنىڭ يممۋنوگەندىلىگى ۆاكسينا ەنگىزىلگەننەن كەيىن 10 جىل ىشىندە تومەندەمەگەن.
ددسۇ بۇل ۆاكسينانى ءقاۋىپسىز جانە ءتيىمدى دەپ بەكىتتى. ۆاكسينانى بۇكىل الەم بويىنشا مىڭداعان ادام زەرتتەدى جانە وسى زەرتتەۋلەردىڭ ناتيجەسىندە ەشقانداي ەلەۋلى جاناما اسەر تابىلمادى. ەڭ ءجيى كەزدەسەتىن جاناما اسەر رەتىندە تەك ينەكسيا ورنىندا قىزارۋ، تەمپەراتۋرانىڭ جوعارىلاۋى، باس اينالۋ جانە جۇرەك اينۋى بولدى.
جاتىر موينى وبىرىنىڭ تۇراقتى سكرينينگى (پاپ، اپۆ تەستىلەرى) جانە باقىلاۋ جاتىر موينى وبىرىنىڭ كوپتەگەن جاعدايىنىڭ الدىن الاتىنى انىق. دامىعان ەلدەردەگى تابىستى سكرينينگتىك باعدارلامالار جاتىر موينى وبىرىنان بولاتىن سىرقاتتانۋشىلىق پەن ءولىمدى ەكى ەسەدەن استامعا ازايتتى.
قازاقستان رەسپۋبليكاسىندا جاتىر موينى وبىرىن ەرتە انىقتاۋ بويىنشا ۇلتتىق سكرينينگتىك باعدارلاما جۇرگىزىلىپ جاتىر. 30-70 جاس ارالىعىنداعى ءاربىر ايەل ءوز ەمحاناسىندا جاتىر موينى وبىرىنا تەگىن سكرينينگتەن وتە الادى.
قاڭتار - جاتىر موينى وبىرى تۋرالى حاباردار ەتۋ ايى. جاتىر موينى وبىرى تۋرالى حاباردار ەتۋ ايلىعى اياسىندا قازاقستاننىڭ بارلىق ونكولوگيالىق ورتالىقتارىندا 2024 جىلدىڭ 27 قاڭتارىندا اشىق ەسىك كۇنى وتەدى.
الماتى قالاسىنىڭ تۇرعىندارى مەن قوناقتارىن 27 قاڭتاردا ساعات 9.00-دەن 13.00-گە دەيىن الماتى ونكولوگيالىق ورتالىعىنا ونكوگينەكولوگتىڭ تەگىن كەڭەسىنە شاقىرامىز.