ءماجىلىس دەپۋتاتى باقىتجان بازاربەك اۋىل شارۋاشىلىعى سالاسىنداعى سۋبسيديالاۋ ماسەلەسىنە قاتىستى قاتتى سىن ايتتى. ونىڭ پىكىرىنشە، ەلىمىزدەگى سۋبسيديا ءبولۋ جۇيەسىندەگى بىلىقتار ەلدىڭ ەكونوميكالىق دامۋىن تەجەپ، حالىقتىڭ سەنىمىن شايقالتۋدا، دەپ حابارلايدى aqshamnews.kz
باقىلاۋ جۇمىستارى بارىسىندا اۋىل شارۋاشىلىعىنداعى سۋبسيديالاۋ جۇيەسىنىڭ سوراقى مىسالدارى انىقتالدى. ءبىر عانا الماتى وبلىسىندا سۋبسيديا الۋ ءۇشىن كەيبىر شەنەۋنىكتەر مال باسىنىڭ سانىن جاساندى تۇردە ارتتىرعان. ابسۋردتىڭ شىڭى – 1914 جىلى تۋعان سيىرعا سۋبسيديا بەرىلۋى. بۇل دەگەنىمىز – 108 جىل ءومىر سۇرگەن سيىر، بالكىم، امانگەلدى يمانوۆ كوتەرىلىسى مەن ءبىرىنشى دۇنيەجۇزىلىك سوعىستىڭ كۋاسى بولعان مال.
«سۋبسيديا الۋ ءۇشىن 100 جىلدان استام ۋاقىت ءومىر سۇرگەن مالدى تىركەۋ – مەملەكەتتىك رەسۋرستاردى تالان-تاراجعا سالۋدىڭ ەڭ اشىق مىسالى. مۇنداي دەرەكتەر ەلىمىزدىڭ بارلىق ايماقتارىندا كەزدەسەدى»، – دەپ اشىندى دەپۋتات.
تەكسەرۋ بارىسىندا سۋبسيديانىڭ بانكروتقا ۇشىراعان، جالعان تىركەلگەن جانە ءتىپتى قايتىس بولعان ادامداردىڭ اتىنا اۋدارىلعانى انىقتالدى. 254 ملن تەڭگە 148 ءوتىنىم بويىنشا جويىلعان كومپانيالارعا بەرىلسە، تۇركىستان وبلىسى مەن شىمكەنتتە 968 كاسىپورىن سۋبسيديا العاننان كەيىن جۇمىسىن توقتاتقان.
«ۋدوبرەنيەگە قاتىستى سۋبسيديا ءبولۋ ماسەلەسىن قۇقىق قورعاۋ ورگاندارى ەرەكشە باقىلاۋعا الۋى كەرەك. بۇل جەردە ۇيىمداسقان قىلمىستىق توپتاردىڭ بار ەكەنى انىق»، – دەيدى بازاربەك.
دەپۋتات اۋىل شارۋاشىلىعىنداعى سۋبسيديالاۋ جۇيەسىن تولىق قايتا قاراپ، اشىقتىقتى قامتاماسىز ەتۋدى ۇسىنادى. سونىمەن قاتار، وسىنداي زاڭ بۇزۋشىلىقتارعا جول بەرگەن شەنەۋنىكتەر مەن كومپانيالارعا قاتاڭ شارا قولدانۋدى تالاپ ەتەدى.
بۇگىنگى تاڭدا مۇنداي ابسۋردتى جاعدايلار تەك حالىقتىڭ نارازىلىعىن تۋدىرىپ قويماي، اۋىل شارۋاشىلىعى سالاسىنداعى بەدەلگە نۇقسان كەلتىرىپ وتىر. ەل ءۇمىت ارتقان اۋىل شارۋاشىلىعى سالاسى قاتاڭ رەفورمالاردى قاجەت ەتەدى.