جاستاردىڭ زاڭداردى، ءوز قۇقىعىن ءبىلۋى، سول ارقىلى ءوزىنىڭ دە، جاقىندارىنىڭ دا قاۋىپسىزدىگىن قامتاماسىز ەتە الۋى ماڭىزدى.
الماتى تەحنولوگيا جانە فلوريستيكا كوللەدجىنىڭ تاربيە ءبولىمى باسشىسى جانار احمەدجانوۆانىڭ ۇيىمداستىرۋمەن «زاڭ جانە ءبىز» دەگەن تاقىرىپتا تانىمدىق ءىس-شارا ءوتتى، دەپ حابارلايدى aqshamnews.kz.
وعان الماتى قالاسى قىلمىستىق-اتقارۋ جۇيەسى دەپارتامەنتىنە قاراسى №11 مەكەمەنىڭ قىزمەتكەرلەرى – رەجيم جانە كۇزەت ءبولىمىنىڭ باقىلاۋشىسى ادىلەت سەرجانتى ازامات مولدابەك جانە جەڭىسحان ەركەگۇل قاتىستى. كەزدەسۋ بارىسىندا بالالار كولونياسىنىڭ قىزمەتكەرلەر جەتكىنشەكتەرگە زاڭدار، ولاردىڭ ارتىقشىلىقتارى، قوعامداعى ورنى تۋرالى ايتتى. ستۋدەنتتەر قويعان سۇراقتارعا جاۋاپ بەردى.
– كەزدەسۋدىڭ ماقساتى – جاس ۇرپاققا قۇقىقتىق جاۋاپكەرشىلىكتىڭ ماڭىزدىلىعىن ناسيحاتتاۋ. سونداي-اق، قۇقىقتىق تاربيە تۋرالى تارقاتىپ، كامەلەتكە تولماعاندار اراسىندا زاڭ ۇعىمدارىن ناسيحاتتاي وتىرىپ، ءبىلىمىن جەتىلدىرۋ، جاسوسپىرىمدەردىڭ جاماندىققا ۇرىنىپ قالماي، ءقاۋىپسىز ورتانى وزدەرى دە قالىپتاستىرا الاتىنىن ءتۇسىندىرۋ. بۇل كەزدەسۋدەن ءبىز جاستاردىڭ ساناسى سەرگەك، ويلى، زەرەك ەكەنىن بايقادىق. ال ءبىز ءوز كەزەگىمىزدە ولارعا ۇنەمى قولداۋ كورسەتۋگە دايىن ەكەندىگىمىزدى بىلدىردىك، – دەيدى №11 مەكەمەنىڭ وكىلى ەركەگۇل جەڭىسحان.