مەملەكەتتىك ورگاندار ازىرگە ءۇنسىز.
قازاقستاندا 100 مىڭ توننا الما مەملەكەتتىك ورگانداردىڭ باتىلسىزدىعىنان ءشىرىپ كەتۋى مۇمكىن، دەپ حابارلادى Almaty-akshamy.kz قازتاگقا سىلتەمە جاساپ.
«ءوز المامىزدىڭ شامامەن تەك 20%-ىن نەمەسە 50-55 تونناسىن عانا ساقتاپ قالا الامىز. ال قالعان 200 مىڭ توننادان استامى قايدا كەتەدى؟ ازعانتاي بولىگى قايتا وڭدەۋگە جىبەرىلەدى، ءبىر بولىگى ساتىلادى، قالعانى مالعا تاستالادى نەمەسە ءشىرىپ كەتەدى. شىعىن شامامەن 100 مىڭ توننانى قۇرايدى، ال بۇل دەگەنىڭىز تولەنبەگەن نەسيە، تولەنبەگەن جالاقى، شارۋاشىلىقتاردى ۇستاۋعا قارجىنىڭ جەتىسپەۋى، تولەنبەگەن سالىقتار مەن الەۋمەتتىك تولەمدەر، ەڭ باستىسى – اۋىلدا تۇراتىنداردىڭ از دا بولسا ءال-اۋقاتىن كوتەرۋگە بولار ەدى»، - دەپ سانايدى فەرمەر بولاتبەك الييەۆ.
باسىلىم اتاپ وتكەندەي، ستاتيستيكالىق اقپارعا سايكەس، بىلتىر جىلىنا 350 مىڭ توننا الما تۇتىنىلعان، ونىڭ 260 مىڭى - جەرگىلىكتى، 90 مىڭ توننا الما – يمپورت ونىمدەرى.
بۇل رەتتە بيىل المانىڭ رەكوردتىق ءونىمى جينالادى دەپ كۇتىلۋدە.
«ورىن العان جاعدايدان شىعۋدىڭ جولى دا، ول بويىنشا ۇسىنىستار دا بار. ءبىراق وكىلەتتى ورگاندار - سيم جانە اشم- ازىرگە ءۇنسىز، بىلتىر دا، ونىڭ الدىڭعى جىلى دا سولاي ءۇنسىز قالعان»، - دەيدى بولاتبەك الييەۆ.