بۇل ءۇشىن رەسپۋبليكالىق بيۋدجەتتەن قاراجات بولىنگەن.
سانيتارلىق-ەپيدەميولوگيالىق قىزمەت ماماندارىنا جاڭا 12 اۆتوكولىكتىڭ كىلتى تابىستالدى، دەپ حابارلايدى Almaty-akshamy.kz Almaty.tv سىلتەمە جاساپ.
ونىڭ التاۋى جەتىسۋ وبلىسىنا بۇيىرسا، قالعانى الماتى وبلىسىنىڭ قىزمەتكەرلەرىنە بەرىلدى. سالتاناتتى ءىس-شارا بۇگىن الماتىدا ءوتتى. مامانداردىڭ ايتۋىنشا، كولىكتەر شالعاي ورنالاسقان اۋداندار مەن اۋدان ورتالىقتارىنا جونەلتىلەدى. ايتا كەتۋ كەرەك، مۇنداي ءىس-شارالار ەلىمىزدىڭ باسقا دا وڭىرلەرىندە جالعاسىن تابادى. ول ءۇشىن رەسپۋبليكالىق بيۋدجەتتەن قاراجات بولىنگەن.
«دەنساۋلىق ساقتاۋ مينيسترلىگىنەن بۇگىن ارنايى كولىك ءبىزدىڭ الماتى وبلىسىنا كەلدى. ولار بيولوگيالىق قاۋىپسىزدىكتى قامتاماسىز ەتۋ ءۇشىن جانە دە ىشكى، سىرتقى قاۋىپ-قاتەردىڭ الدىن الۋ ءۇشىن ۋاقىتىلى سانيتاريالىق-ەپيدەميولوگيالىق ءىس-شارا اتقارۋ ءۇشىن، ىندەتتى تەرگەۋ ءۇشىن وتە قاجەت»، – دەدى الماتى وبلىستىق سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى مارات يسمايلوۆ.