ەڭبەك مينيسترلىگىنىڭ وكىلدەرى ەلدە قانداي ماماندار تاپشى ەكەنىن ايتتى

تاربيەشىلەر مەن جۇرگىزۋشىلەرگە سۇرانىس بايقالدى.

قازاقستاندىق ماماندار قاراشا ايىندا ەڭبەك نارىعىندا بولعان وزگەرىستەردى قورىتىندىلادى. ولاردىڭ ايتۋىنشا، قاراشا ايىندا جۇمىس بەرۋشىلەر دە، جۇمىس ىزدەۋشىلەر دە ءوز بەلسەندىلىگىن تومەندەتتى، دەپ حابارلايدى Almaty-akshamy.kz.

«بيىلعى جىلدىڭ قاراشا ايىندا ەلەكتروندىق ەڭبەك بيرجاسىندا 91،2 مىڭ بوس جۇمىس ورنى جانە 49،9 مىڭ تۇيىندەمە ورنالاستىرىلدى. وتكەن ايمەن سالىستىرعاندا ەڭبەك نارىعى جۇمىس بەرۋشىلەردىڭ دە (-16،4%)، سونداي-اق ىزدەنۋشىلەردىڭ دە (-16،5%) بەلسەندىلىگىنىڭ تومەندەۋىمەن ەرەكشەلەندى»، - دەلىنگەن ەڭبەكمينى ءباسپاسو قىزمەتىنىڭ حابارلاماسىندا

ەەب-دا ەڭ كوپ بوس جۇمىس ورىندارىن مەكتەپكە دەيىنگى جانە جالپى ورتا ءبىلىم بەرۋ (17،2 مىڭ)، وزگە دە قىزمەت تۇرلەرى (7،3 مىڭ)، قۇرىلىس (6 مىڭ) جانە اۋىل شارۋاشىلىعى (4،3 مىڭ بوس جۇمىس ورنى) سەكتورلارىنىڭ كاسىپورىندارى ورنالاستىردى.

«ءارتۇرلى جۇمىس ىستەيتىندەر جانە جاردەمشى جۇمىسشىلار مەن كوگالداندىرۋ جۇمىسشىلارى سياقتى بىلىكتىلىگى جوق جۇمىسشىلاردان باسقا، بىلىكتى كۇزەتشىلەرگە، تاربيەشىلەر مەن جۇرگىزۋشىلەرگە ەڭ ۇلكەن سۇرانىس بايقالدى. ءىشىنارا سۇرانىس پەن ۇسىنىس سايكەس كەلدى. اتاپ ايتقاندا، بىلىكتى جۇمىسشىلاردىڭ ىشىندە اۆتوكولىك جۇرگىزۋشىلەرى، بۋحگالتەرلەر، زاڭگەرلەر مەن تاربيەشىلەر جۇمىس ىزدەدى»، – دەدى «ەڭبەك رەسۋرستارىن دامىتۋ ورتالىعى» اق باسقارۋشى ديرەكتورى الەكساندرا مولچانوۆسكايا.

سونىمەن قاتار، قاراشا ايىندا بىلىكتى زاڭگەرلەر، قارجىگەرلەر جانە ورتا مەكتەپ مۇعالىمدەرى، سونداي-اق بىلىكتىلىگى جوق جۇمىسشىلار، مىسالى، ۆاحتەرلەر ەڭبەك نارىعىندا ارتىق بولعان.