بۇل شارا سىرتتان كەلەتىن تۋريستەر اعىنىن ارتتىرۋعا سەپتىگىن تيگىزەدى.
ولاردىڭ قاتارىندا اۆستريا، ساۋد ارابياسى، سان-مارينو، باحرەين جانە ت.ب.ەلدەر بار، دەپ حابارلايدى Almaty-akshamy.kz.
بۇل تۋرالى مادەنيەت جانە سپورت مينيسترلىگىنىڭ باسپا ءسوز قىزمەتى ءمالىم ەتتى.
سونداي-اق، قازاقستانعا ەلەكتروندى ۆيزا الۋعا ءوتىنىش بەرە الاتىن ەلدەردىڭ ءتىزىمىن كەڭەيتۋ، شاقىرۋ تالابىن الىپ تاستاۋ ماسەلەلەرى دە قاراستىرىلۋدا.
سونىمەن قاتار، ءباا رەزيدەنتتەرى ءۇشىن جەڭىلدەتىلگەن ۆيزا بەرۋ ماسەلەسى تالقىلانۋدا.
«قازاقستان شەتەلدىك ساياحاتشىلار ءۇشىن قىزىقتى جانە مينيسترلىك ەلىمىزدىڭ تۋريستىك الەۋەتىن تولىعىمەن اشۋ باعىتىندا جۇمىس جاساۋدا. سونىڭ ىشىندە سىرتتان كەلەتىن تۋريستەر اعىنىن ارتتىرۋ ارقىلى. ونىڭ ۇستىنە مينيسترلىك ءقازىردىڭ وزىندە كوشى-قوندى باقىلاۋدى جەتىلدىرۋ تەتىكتەرىن جۇزەگە اسىرۋدا. مىسالى، eQonaq اقپاراتتىق جۇيەسى»، - دەيدى ۆەدومستۆونىڭ رەسمي وكىلى ءمولدىر ابدۋالييەۆا.
بۇعان دەيىن قازاقستان مەن قىتايدىڭ ۆيزاسىز رەجيم ەنگىزۋى مۇمكىن ەكەنى حابارلانعان بولاتىن. ەلەكتروندى ۇكىمەت الاڭىندا ەكى ەلدىڭ ۇكىمەتتەرى اراسىنداعى ۆيزالىق تالاپتاردان ءوزارا بوساتۋ تۋرالى كەلىسىمگە قول قويۋ تۋرالى قاۋلى جاريالاندى.
ەستەرىڭىزگە سالا كەتەيىك، ەلىمىزدىڭ ازاماتتارى 76 ەلگە ۆيزاسىز بارا الادى
قازاقستان 2023 جىلى Henley & Partners Visa Restrictions Index ءتولقۇجاتتار رەيتينگىندە 70-ورىن الدى. وتاندىق ءتولقۇجاتتىڭ اعىمداعى حالىقارالىق ەرەجەسى كورسەتىپ وتىرعانداي، ەلىمىز بيىل وتكەن جىلمەن سالىستىرعاندا رەيتينگتە 3 ورىنعا جوعارى كوتەرىلگەن.