ۇلتتىق قاۋىپسىزدىك كوميتەتى كورشىلەس مەملەكەتتەردىڭ ارنايى قىزمەتتەرىمەن بىرلەسىپ، حالىقارالىق ەسىرتكى ترافيگىنىڭ ارناسىنىڭ جولىن كەستى، دەپ حابارلايدى اlmaty-akshamy.kz.
250 ليتر «مەتامفەتامين» ەسىرتكى زاتى تۇرىندەگى زاڭسىز جۇك ءتۇرلى برەندتەردىڭ سۋسىندارىندا جاسىرىلىپ، قازاقستان اۋماعى ارقىلى ترانزيتپەن رەسەيگە باعىتتالعان.
ءوزارا ارەكەتتەستىك ناتيجەسىندە ماسكەۋ وبلىسىندا اتالعان تاۋاردى بەرۋ كەزىندە ترانسۇلتتىق ەسىرتكى توبىنىڭ 2 مۇشەسى ۇستالدى.
سونداي-اق، ۇستالعان ادامداردان سۇيىقتىقتان ەسىرتكى الۋعا ارنالعان جابدىق تاركىلەندى.
اعىمداعى جىلدىڭ باسىنان بەرى ۇقك شەتەلدىك ارىپتەستەرمەن بىرلەسىپ 19 حالىقارالىق ەسىرتكى ارناسىنىڭ جولىن كەستى، زاڭسىز اينالىمنان 400 كگ استام ەسىرتكى زاتتارى مەن 4 توننا كوكنار سابانى تاركىلەندى.
ەسكە سالا كەتسەك، بۇعان دەيىن «قازپوشتامەن» ەسىرتكى تاپسىرىس بەرگەن الماتىلىق ۇستالعانى جايىندا جازعان بولاتىنبىز.