الماتى وبلىسىندا پوليسيا كوشى-قون زاڭناماسىن بۇزعان 1200-دەن استام شەتەلدىكتى جاۋاپقا تارتتى.
1200-دەن استام شەتەلدىكتى الماتى وبلىسىنىڭ پوليسەيلەرى 3-9 ماۋسىم ارالىعىندا وتكەن “زاڭسىز كەلۋشى” جەدەل-پروفيلاكتيكالىق ءىس-شاراسىن وتكىزۋ بارىسىندا جاۋاپكەرشىلىككە تارتىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
– ءجپىش وتكىزۋ كەزىندە ءوڭىردىڭ پوليسەيلەرى كوشى-قون زاڭناماسى سالاسىندا 1582 قۇقىق بۇزۋشىلىقتى انىقتادى. ونىڭ 1272ء-سى شەتەلدىكتەر، 310-ى ق ر ازاماتتارى، 37ء-سى ق ر زاڭناماسىن بۇزا وتىرىپ، شەتەلدىك جۇمىس كۇشى مەن ەڭبەكشى كوشىپ كەلۋشىلەردى تارتقانى ءۇشىن جازالاندى. قابىلداعىش-ديستريبيۋتورعا جەكە باسىن كۋالاندىراتىن قۇجاتتارى جوق 44 ادام قاماۋعا الىندى، – دەدى كوشى-قون قىزمەتى باسقارماسى باستىعىنىڭ ورىنباسارى لەيلا اسىل-كەنەي.
تاجىريبە كورسەتكەندەي، شەتەلدىك ازاماتتاردىڭ كوپشىلىگى ەڭبەك قىزمەتىمەن اينالىسۋ ماقساتىندا ق ر اۋماعىنا كىرەدى. ولاردى ەڭبەك قىزمەتىنە تارتۋ ماسەلەلەرى زاڭنامامەن رەتتەلگەن، وسىعان بايلانىستى ءتارتىپ ساقشىلارى كوشى-قون زاڭناماسىنىڭ تالاپتارىن مۇلتىكسىز ساقتاۋ قاجەتتىگىن ەسكە سالادى.
– وتانداستارىمىزدىڭ تاراپىنان قابىلداۋشى تۇلعالار كوشى-قون قىزمەتىنە شەتەلدىكتىڭ كەلگەنى تۋرالى حابارلاۋعا مىندەتتى ەكەنىن ەسكە سالامىز. ق ر ۇكىمەتىنىڭ 2012 جىلعى 21 قاڭتارداعى №148-قاۋلىسىمەن بەكىتىلگەن “قازاقستان رەسپۋبليكاسىندا كوشىپ كەلۋشىلەردىڭ كەلۋى مەن بولۋ قاعيدالارىنىڭ” 9-تارماعىنا سايكەس شەتەلدىك ازاماتتاردى قابىلدايتىن جەكە جانە زاڭدى تۇلعالار وزدەرىندە بولىپ جۇرگەن كوشىپ كەلۋشىلەر تۋرالى ىشكى ىستەر ورگاندارىن حاباردار ەتۋگە مىندەتتى ەكەنىن تۇسىندىرەمىز. بۇل حابارلاما مىندەتتى تۇردە شەتەل ازاماتى كەلگەن كۇننەن باستاپ ءۇش جۇمىس كۇنى ىشىندە بەرىلەدى. كورسەتىلگەن مەرزىمدى وتكىزىپ العان جانە يمميگرانتتىڭ بولۋى تۋرالى ىشكى ىستەر ورگاندارىنا حابارلاماعان جاعدايدا، قازاقستاندا قابىلداۋشى جەكە جانە زاڭدى تۇلعا 518-باپ بويىنشا، ال زاڭدى بۇزعان شەتەلدىكتەر قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 517-بابى بويىنشا جاۋاپقا تارتىلاتىنىن ەسكەرتەمىن. جەكە جانە زاڭدى تۇلعالار يمميگرانتتىڭ كەلگەنى تۋرالى تىكەلەي “e-Qonaq” ەلەكتروندىق ۆيزالىق-كوشى-قون پورتالى ارقىلى حابارلاي الادى، – دەپ تولىقتىردى ل. اسىل-كەنەي.