ەكى ەل دەلەگاسيالارىنىڭ قاتىسۋىمەن وتكەن كەلىسسوز بارىسىندا قاسىم-جومارت توقايەۆ پرەزيدەنت يۋن سوك ءولدىڭ قازاقستانعا جاساعان العاشقى مەملەكەتتىك ساپارىن تاريحي وقيعا دەپ باعالادى، دەپ حابارلايدى اlmaty-akshamy.kz.
سونداي-اق بۇگىنگى كەلىسسوزدەر قازاق-كورەي ىقپالداستىعىنىڭ اياسىن كەڭەيتىپ، ەكىجاقتى بايلانىستى جاڭا بەلەسكە كوتەرەتىنىن ايتتى. ءبىزدىڭ پرەزيدەنتتىڭ پىكىرىنشە، وڭتۇستىك كورەيا جاھاندىق اۋقىمداعى ناعىز ەكونوميكالىق جانە تەحنولوگيالىق لوكوموتيۆكە اينالدى. ال الەمگە ايگىلى كورەي كورپوراسيالارى حالىقارالىق ارەنادا ەلدىڭ «نەگىزگى جاھاندىق مەملەكەت» رەتىندەگى پوزيسياسىن ىلگەرىلەتۋگە ەلەۋلى ۇلەس قوسىپ كەلەدى. بۇدان بولەك، تاراپتار مادەني-گۋمانيتارلىق بايلانىستاردى دامىتۋ ماسەلەسىنە نازار اۋداردى.
– قازاقستاندا تۇراتىن 120 مىڭ ەتنيكالىق كورەي ۇلتىنىڭ وكىلدەرى ەكى ەل اراسىنداعى قاتىناستاردى نىعايتۋدا ماڭىزدى ءرول اتقارادى جانە وعان ولشەۋسىز ۇلەس قوسادى. ءوز كەزەگىندە كورەيادا ءبىلىم الىپ جاتقان مىڭنان استام قازاقستاندىق جاستار مەملەكەتتەر اراسىنداعى «دوستىقتىڭ التىن كوپىرى» سانالادى، – دەدى مەملەكەت باسشىسى.