70 ملرد تەڭگە كولەمىندە قوسىمشا بيۋدجەتتىك نەسيە ءبولۋ تاپسىرىلدى.
قازاقستان ۇكىمەتى جانىنداعى داعدارىسقا قارسى شارالار جونىندەگى جەدەل شتابتىڭ كەزەكتى وتىرىسىندا ەگىن ەگۋدى قوسىمشا قارجىلاندىرۋ جانە اۋىل شارۋاشىلىعى ءوندىرىسى ءۇشىن تاۋارلاردى جەتكىزۋ لوگيستيكاسى ماسەلەلەرى تالقىلاندى، دەپ حابارلايدى Almaty-akshamy.kz Eldala.kz cىلتەمە جاساپ.
اعىمداعى سىرتقى ساياسي جاعداي تەحنيكا، تۇقىم، گەنەتيكالىق ماتەريال، مينەرالدى تىڭايتقىشتار جانە باسقالاردى قوسا العاندا، اۋىل شارۋاشىلىعى تاۋارلارىنا الەمدىك، ونىڭ ىشىندە قازاقستاندىق باعالاردىڭ وسۋىنە تۇرتكى بولاتىنى اتاپ ءوتىلدى. بۇل تۋرالى پرەمەر-مينيستردىڭ باسپا ءسوز قىزمەتى حابارلادى.
كەپىلمەن بايلانىستى ماسەلەلەردى شەشۋ ءۇشىن فەرمەرلەردە قاجەتتى ءوتىمدى كەپىلدىكتەرى بار استىق جانە ماي نارىعىنىڭ ترەيدەرلەرى ارقىلى اگرارشىلارعا نەسيە بەرۋ مۇمكىندىگىن قاراستىرۋ ۇسىنىلدى.
بۇعان دەيىن اۋىل شارۋاشىلىعى مينيسترلىگىنە قارجى جانە ۇلتتىق ەكونوميكا مينيسترلىكتەرىمەن، «بايتەرەك» ۇبح-مەن بىرلەسىپ، رەسپۋبليكالىق بيۋدجەتتى ناقتىلاۋ اياسىندا كوكتەمگى ەگىس جانە ەگىن جيناۋ جۇمىستارىن جۇرگىزۋگە 70 ملرد تەڭگە كولەمىندە قوسىمشا بيۋدجەتتىك نەسيە ءبولۋ تاپسىرىلدى.
سونىمەن قاتار، مينەرالدى تىڭايتقىشتار باعاسىن تومەندەتۋ بويىنشا جۇمىستار جۇرگىزىلۋدە. 16 ناۋرىزدان باستاپ اممياك سەليتراسىنىڭ قۇنى تونناسىنا 200 مىڭ تەڭگەدەن 160 مىڭ تەڭگەگە دەيىن تومەندەدى.
ازىق-تۇلىك قاۋىپسىزدىگىن ارتتىرۋ تۋرالى ايتا كەلە، اشم باسشىسى يمپورتتىق تاۋەلدىلىكتى تومەندەتۋ ءۇشىن مەنشىكتى تۇقىم سۇرىپتارىن ازىرلەۋ باعدارلاماسى تۋرالى حابارلادى. اتاپ ايتقاندا، اۋىل شارۋاشىلىعى مينيسترلىگى وتاندىق تۇقىمداردى ءوسىرۋ بويىنشا جول كارتاسىن ازىرلەدى.
«قىسقا مەرزىمدە وتاندىق تۇقىم سۇرىپتارىنىڭ عىلىمىن دامىتۋ بويىنشا ورتا مەرزىمدى باعدارلاما قابىلداۋ قاجەت. تۇقىمنىڭ قازىرگى سۇرىپتارى ناشارلاپ، ونىمدىلىك تومەندەۋدە. جىلدان-جىلعا قۇرعاقشىلىقتىڭ كۇشەيۋىنە تۇراقتى ءۇردىس بايقالادى. بۇل ورايدا قۇرعاقشىلىققا ءتوزىمدى جانە ءونىمنىڭ ۇلكەن كولەمىن بەرەتىن تۇقىمداردىڭ جاڭا سۇرىپتارىن ازىرلەۋ اسا ماڭىزدى»، - دەپ اتاپ ءوتتى پرەمەر-مينيستر ءاليحان سمايىلوۆ.
سونداي-اق، ۇكىمەت ق ر يندۋستريا جانە ينفراقۇرىلىمدىق دامۋ مينيسترلىگىنە «قازاقستان تەمىر جولى» اق-مەن بىرلەسىپ، اۋىل شارۋاشىلىعى ءوندىرىسى ءۇشىن تاۋارلىق-ماتەريالدىق قۇندىلىقتاردى ۋاقتىلى جەتكىزۋ ءۇشىن قوسىمشا جىلجىمالى قۇرامدى قامتاماسىز ەتۋدى، سونداي-اق رەسەيدەن تۇقىم يمپورتى بويىنشا جەتكىزۋدىڭ بالاما باعىتتارىن پىسىقتاۋدى تاپسىردى.