حالىق اراسىندا ءاقپاراتتىق-تۇسىندىرۋ جۇمىستارىن كۇشەيتۋ تاپسىرىلدى.
ۇكىمەتتە پرەمەر-مينيستردىڭ ءبىرىنشى ورىنباسارى ءاليحان سمايىلوۆتىڭ توراعالىعىمەن ەلىمىزدە 2021 جىلى ۇلتتىق حالىق ساناعىن وتكىزۋگە دايىندىق جانە ۇيىمداستىرۋ ماسەلەلەرىن شەشۋ بويىنشا ارنايى كوميسسيانىڭ وتىرىسى ءوتتى، دەپ حابارلايدى Almaty-akshamy.kz Primeminister.kz cايتىنا سىلتەمە جاساپ.
پرەمەر-مينيستردىڭ ءبىرىنشى ورىنباسارى ساناق قۇرامىن تولىق قامتاماسىز ەتۋ جانە ۆاكسينالاۋ ماسەلەلەرىنە باسا نازار اۋدارۋدى تاپسىردى.
ءتيىستى مەملەكەتتىك ورگاندار مەن اكىمدىكتەرگە ەرىكتىلەر ۇيىمدارىن، ستۋدەنتتەر مەن جۇمىسسىز تۇرعىنداردى سۇحباتتاسۋشى رەتىندە تارتۋ بويىنشا جۇمىستى كۇشەيتۋ تاپسىرىلدى.
ساناق جۇرگىزىلىپ جاتقان كەزدە پەرسونالدىڭ قاۋىپسىزدىگىن قامتاماسىز ەتۋ، سونداي-اق جوسىقسىز ادامداردىڭ الاياقتىق ارەكەتتەرىن توقتاتۋ ەسكەرتىلدى.
ءاليحان سمايىلوۆ وڭىرلەردىڭ باسشىلارىنا بۇقارالىق اقپارات قۇرالدارىنداعى باننەرلەر مەن بيلبوردتاردى، جارىق ديودتى ەكرانداردى، ءۇنپاراقتاردى، ءتيىستى اقپاراتتىق حابارلامالاردى عانا ەمەس، سونىمەن قاتار حابارلاۋ قۇرالى رەتىندە تۇرعىن ۇيلەردىڭ توپتىق چاتتارىن دا قاراستىرۋ ارقىلى حالىق اراسىندا ءاقپاراتتىق-تۇسىندىرۋ جۇمىستارىن كۇشەيتۋدى تاپسىردى. ساناق ناۋقانى اياقتالعانعا دەيىن ەلدى مەكەندەردىڭ قۇرامداس بولىكتەرىنىڭ اتاۋلارىن وزگەرتۋگە ءموراتورييدى ساقتاۋ ماسەلەسى دە قايتا كوتەرىلدى.
سونداي-اق، اڭگىمە مەملەكەتتىك ورگانداردىڭ ءبىرىڭعاي كولىك ورتاسى شەڭبەرىندە، شالعاي اۋداندار مەن اۋىلداردا جوعارى ساپالى ينتەرنەتكە قوسىلۋدى قامتاماسىز ەتۋ ءۇشىن egov.kz ۆەب-پورتالى مەن sanaq.gov.kz سايتىن ينتەگراسيالاۋ اياسىندا اتقارىلعان جۇمىستار بويىنشا اقپاراتتىق رەسۋرستارعا قولجەتىمدىلىكتى قامتاماسىز ەتۋ تۋرالى بولدى.
قورىتىندىلاي كەلە، ءاليحان سمايىلوۆ جەكە تۇلعالاردىڭ قۇپيا اقپاراتىن ساقتاۋدىڭ ماڭىزدىلىعىن تاعى ءبىر اتاپ ءوتتى جانە مۇنداي مالىمەتتەر ق ر «مەملەكەتتىك ستاتيستيكا تۋرالى» زاڭىمەن قورعالاتىنىن ەسكە سالدى.
ەستەرىڭىزگە سالا كەتەيىك، 2021 جىلعى ۇلتتىق حالىق ساناعى 1 قىركۇيەكتەن 15 قازانعا دەيىن sanaq.gov.kz مامانداندىرىلعان ۆەب-سايتىندا ونلاين فورماتتا جوسپارلانعان، ال ساناقتان ونلاين وتپەگەن ازاماتتار ءۇشىن قاجەتتى سانيتارلىق نورمالاردى ساقتاي وتىرىپ، ادەتتەگىدەي ءۇي-ۇيدى ارالاۋ 1-30 قازان ارالىعىندا ۇيىمداستىرىلادى.
