جاڭا قازاقستان جاساي بەرسىن!
پرەزيدەنت قاسىم-جومارت توقايەۆتىڭ قازاقستان حالقىنا جولداۋى ەلىمىزدىڭ تاۋەلسىزدىك تاريحىندا ەڭ باستى جولداۋلاردىڭ ءبىرى رەتىندە قالاتىنى ءسوزسىز. بۇل جاي عانا ساياسي رەفورمالار ەمەس، قازاقستاننىڭ دەموكراتيالىق ينستيتۋتتارىن نىعايتا تۇسەتىن مەگاجاڭعىرۋ. ول كوپتەگەن سالالارعا – ساياساتقا، ازاماتتاردىڭ الەۋمەتتىك جاقسارۋىنا، مەملەكەتتىك ورگاندارعا، پارلامەنتتىڭ قوس پالاتاسىنا، پارتيالارعا، قوعامدىق ۇيىمدارعا، بيزنەسكە، قۇقىق قورعاۋ ورگاندارىنا، ت.ب. اسەر ەتتى. مەملەكەت باسشىسى ءوزىنىڭ دەموكراتيالىق ۇستانىمىن كورسەتىپ، ەلدەگى ساياسي ۇدەرىستەرگە ىقپال ەتۋ تەتىكتەرىن قازاقستان پرەزيدەنتىنەن، وزىنەن الىپ تاستاۋدى ۇسىندى. بۇل قادامىنىڭ بولاشاقتى دەموكراتيالاندىرۋعا سەپتىگىن تيگىزەتىنىن اتاپ ءوتتى. ساياسي پارتيالاردى تىركەۋ جويىلدى، ودان كەيىنگى بارلىق دەڭگەيدەگى دەپۋتاتتار سايلاۋىندا جاڭا پرينسيپ بولادى، قازاقستان حالقى اسسامبلەياسىنىڭ پارلامەنتتەگى ءرولى دە وزگەردى. بۇل دەگەن وراسان وزگەرىستەر.
سونداي-اق دىنمۇحامەد احمەت ۇلى قونايەۆتىڭ قۇرمەتىنە ەلىمىزدىڭ كارتاسىندا جاڭا بەلەس، جاڭا وبلىستار، قالالار پايدا بولدى. اتاقتى يندۋستريالدى-كۋرورتتىق قالا قاپشاعاي قازاق قوعامىنا وراسان زور ۇلەس قوسقان كورنەكتى ساياسي قايراتكەردىڭ ەسىمىمەن اتالاتىن بولادى. ويتكەنى، بولاشاق ۇرپاق ءوز باتىرلارىنىڭ، ونىڭ ىشىندە ساياسي تۇلعالاردىڭ ەسىمدەرىن ءبىلۋى كەرەك. جاڭا وبلىستارىمىزدىڭ قۇرىلۋىمەن قۇتتىقتايمىز.
كەڭ قوعامدىق ديالوگ ينستيتۋتىن قۇرۋ يدەياسى قىزىقتى بولدى. بۇل - بەلگىلى قوعام قايراتكەرلەرىنەن تۇراتىن «ۇلتتىق قۇرىلتاي» جاڭا الاڭى. بۇل - قوعامداعى تۇيتكىلدى ماسەلەلەردى كەڭىنەن مەملەكەتتىك دەڭگەيگە كوتەرۋدىڭ جاقسى قۇرالى.
ءسوزىمدى جاڭا قازاقستاننىڭ ازاماتى رەتىندە قاسىم-جومارت كەمەلۇلىنا دەگەن سەنىمىمدى بىلدىرەتىن مەملەكەت باسشىسىنىڭ سوزىمەن اياقتاعىم كەلەدى: «قانداي جاعداي بولسا دا، پرەزيدەنت ءارقاشان حالقىمەن بىرگە!»