جاسۇلان قۋاندىق، الماتى ستۋدەنتتەر اليانسىنىڭ ءتوراعاسى:
بۇگىن پرەزيدەنتىمىز قاسىم-جومارت توقايەۆتىڭ جولداۋىن تاعاتسىزدانا كۇتىپ، قۋانىشپەن تىڭدادىم. بۇل جولداۋ جاڭا قازاقستاندى قۇرۋداعى ەڭ ۇلكەن بەتبۇرىس بولدى. تەك ەكونوميكالىق-ساياسي وزگەرىستەردەن بولەك، ەلىمىزدىڭ اكىمشىلىك-اۋماقتىق قۇرىلىمىنا دا ءبىرشاما وزگەرىستەر ەنگىزىلدى. ۇلى تۇلعالارىمىز ۇلىقتالىپ، تاريحي جانە رۋحاني سانا تۇگەندەلدى.
دەموكراتيا ۇعىمى ەندى اشىلعانداي بولدى. پرەزيدەنتتىك وكىلەتتىلىك قىسقارىپ، پارلامەنتكە باسىمدىق بەرىلەدى. بۇل - دامىعان مەملكەتتەردىڭ تاجىريبەسى. دەپۋتاتتار سانى قىسقارىپ، ساندىق ەمەس ساپالىق قۇرىلىمعا باسا ءمان بەرىلدى. سايلاۋ جۇيەسىنە دە ءبىرشاما وزگەرىستەر ەنگىزىلىپ، پارتيالىق ۇيىمداردى تىركەۋ ۇدەرىسى قىسقاردى.
تاريحي تانىم. قۇرىلتاي ءسوزى قايتا جانداندى. ەلىمىزدە ۇلتتىق كەڭەس ورنىنا ۇلتتىق قۇرىلتاي قۇرىلاتىن بولدى. جەرگىلىكتى ءوزىن-وزى باسقارۋ جۇيەسى قايتا قالىپتاسىپ، جەرگىلىكتى ءماسليحاتتاردىڭ ءرولى كۇشەيەدى.
جولداۋ ايتىلدى، ەندى ونى ءساتتى جۇزەگە اسىرۋ قاجەت. جاڭا قازاقستان ءۇشىن - جاڭا باستامالار! ءبىز بىرگەمىز!