دالا دەموكراتياسى، ۇلتتىق بىرلىك پەن قوعامدىق ديالوگ.
الماتى قالاسى ناۋرىزباي اۋداندىق «باقىتتى وتباسى» كوپ بالالى جانە از قامتىلعان وتباسىلارعا ارنالعان الەۋمەتتىك ورتالىعىنىڭ باسشىسى سانا جاندايەۆا پرەزيدەنت جولداۋىنان العان اسەرىمەن ءبولىستى، دەپ حابارلايدى Almaty-akshamy.kz.
«بۇگىن پرەزيدەنت قاسىم-جومارت توقايەۆتىڭ قازاقستان حالقىنا جاساعان جولداۋىن تاريحي وقيعا دەپ باعالاۋعا بولادى.اسىرەسە، دالا دەموكراتياسى، ۇلتتىق بىرلىك پەن قوعامدىق ديالوگتى اتاپ وتكىم كەلەدى»، - دەپ جازدى سانا شايحان قىزى الەۋمەتتىك جەلىدەگى جازباسىندا.
ول ۇلتتىق كەڭەستىڭ قىزمەتىن جالپىۇلتتىق دەڭگەيدە جالعاستىراتىن ۇلتتىق قۇرىلتايدىڭ قۇرىلعانى تۋرالى حاباردى ەستىپ، قۋانعان.
ونىڭ پىكىرىنشە، بۇل - كەڭ قوعامدىق ديالوگتىڭ جاڭا ينستيتۋتى. بۇل الاڭدا بارلىق وڭىرلەردىڭ بەلگىلى قوعام قايراتكەرلەرىنىڭ بولۋى، ولارعا ورتالىق دەڭگەيدە ەل دامۋىنىڭ كەڭ اۋقىمدى ماسەلەلەرىن تالقىلاۋىنا قاتىسۋىنا مۇمكىندىك بەرەدى.
«تاريحقا كوز جۇگىرتسەك، اتا-بابالارىمىز بارلىق تاعدىرلى شەشىمدەردى حالىق جينالىستارىندا تالقىلاپ، قابىلداعان. ءبىز ۇلى دالانىڭ وسىناۋ دەموكراتيالىق ءداستۇرىن جاڭعىرتۋىمىز كەرەك»، – دەدى ەلباسى.
باستى بايلىعىمىز – تاۋەلسىزدىكتى كوزدىڭ قاراشىعىنداي ساقتاپ، ۇلتتىق بولمىستىڭ ىرگەتاسىن نىعايتىپ، ەلدى وزگەرتۋگە جۇمىلۋىمىز كەرەك دەگەنگە كەلىسەمىن. بۇل - ءبىزدىڭ بولاشاق ۇرپاق الدىنداعى قاسيەتتى پارىزىمىز.
«وسىلايشا، قۇرىلتايدىڭ ارقاسىندا ءارتۇرلى پىكىردەگى بارلىق وكىلدەردى قامتيتىن وكىلدى قۇرىلىم قالىپتاسادى. ۇلتتىق قۇرىلتاي مۇشەلەرى تۇراقتى تۇردە باس قوسىپ، ماڭىزدى ماسەلەلەردى تالقىلايدى»، - دەپ جازدى سانا شايحان قىزى.