قازاقستان كوپۇلتتى ءارى كوپكونفەسسيالى مەملەكەت بولعاندىقتان بەيبىتشىلىك، تولەرانتتىلىق جانە كەمسىتۋشىلىككە جول بەرمەۋ ساياساتىن ۇستانادى.
يسلام ىنتىماقتاستىق ۇيىمى ايەلدەردى دامىتۋ ۇيىمىنىڭ اتقارۋشى ديرەكتورى، دوكتور افنان ال-شۋايبيمەن كەزدەسكەن مادەنيەت جانە اقپارات ءمينيسترى ايدا بالايەۆا وسىلاي دەدى، دەپ حابارلايدى almaty-akshamy.kz.
ۆەدومستۆو باسشىسى پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ قىزمەتىنە، سونداي-اق وتباسىلىق جانە گەندەرلىك ساياساتتى زەرتتەۋ ورتالىعىنىڭ جۇمىسىنا توقتالدى.
ال دوكتور افنان ءال-شۋايبي ەلىمىزدىڭ تۇرمىستىق زورلىق-زومبىلىققا قارسى اتقارىپ جاتقان جۇمىستارىنا نازار اۋداردى. ورتالىق ازيا ەلدەرى اراسىندا قازاقستان وسى باعىتتا كوشباسشى ورىنعا يە ەكەنىن اتاپ ءوتتى.