پەتروپاۆل زاۋىتىنىڭ بۇرىنعى ديرەكتورى جانە اتقارۋشى ديرەكتورى ۇزاق مەرزىمگە سوتتالدى، دەپ حابارلايدى almaty-akshamy.kz ق ر قما باسپا ءسوز قىزمەتىنە سىلتەمە جاساپ
بۇل ىسكە پەتروپاۆل اۋىر ماشينا جاساۋ زاۋىتىنىڭ باسشىلارى جانە مەملەكەتتىك قورعانىس تاپسىرىسى اياسىندا قوزعالتقىشتار مەن گيروبلوكتاردى جەتكىزگەن جەكە كاسىپكەر دە قاتىسى بار.
2022 جىلى زاۋىت قورعانىس مينيسترلىگىنەن اسكەري تەحنيكانى جوندەۋگە تاپسىرىس العان. بۇل تاپسىرىستى ورىنداۋ كەزىندە جەكە كاسىپكەرمەن جالپى سوماسى 283،3 ملن تەڭگەگە قوسالقى بولشەكتەر جەتكىزۋ تۋرالى شارت جاسالدى.
زاۋىتتىڭ بۇرىنعى باس ديرەكتورى مەن اتقارۋشى ديرەكتور كاسىپكەردەن 100 مىڭ اقش دوللارى كولەمىندە پارا العان. باس ديرەكتورعا 11 جىل، ال اتقارۋشى ديرەكتورعا ءتورت جىل باس بوستاندىعىنان ايىرۋ جازاسى تاعايىندالدى.
سونىمەن قاتار، مەملەكەت كىرىسىنە پارا سوماسىنا ساتىپ الىنعان 40 ملن تەڭگەگە تۇراتىن پاتەر تاركىلەندى. قالعان 5 ملن تەڭگە سوتتالعانداردان تەڭ ۇلەستەرمەن ءوندىرىلدى.