يۋليا پۋتينسيەۆا ابۋ-دابيدە اقش چەمپيونىن ۇتتى

تاي-برەيكتە قازاقستاندىق تەننيسشى ايقىن باسىمدىلىق تانىتتى

قازاقستاننىڭ ەكىنشى، الەمنىڭ 45-راكەتكاسى يۋليا پۋتينسيەۆا ءابۋ-دابي WTA 500 ءتۋرنيرىنىڭ ەكىنشى اينالىمىنا شىقتى، دەپ حابارلايدى Almaty-akshamy.kz قازاقپاراتقا سىلتەمە جاساپ.

نەگىزگى دوداعا ىرىكتەۋ سايىستارىنان كەيىن قوسىلعان يۋ.پۋتينسيەۆا العاشقى اينالىمدا الەمنىڭ 37-راكەتكاسى، 2019 جىلعى US Open ءتۋرنيرىنىڭ چەمپيونى، كانادالىق بيانكا اندرەەسكۋمەن شەبەرلىك بايقاستى.

ءبىرىنشى پارتيادا قارسىلاستار ۇش-ۇشتەن برەيك الماستى. تاي-برەيكتە قازاقستاندىق تەننيسشى ايقىن باسىمدىلىق تانىتتى – 7:6 (7:2).

ەكىنشى سەتتى يۋليا برەيكپەن باستادى – 2:0. سودان كەيىن تاعى ءبىر برەيك جاساپ، ەسەپتى 4:0-گە جەتكىزدى. اقىرى ماچقا دوپ بەرگەندە، ءوز مۇمكىندىگىن جىبەرگەن جوق – 6:2.

ءبىر ساعات 40 مينۋتقا سوزىلعان باسەكە بارىسىندا قازاقستاندىق سپورتشى 2 ەيس جاساپ، 9 برەيك-پوينتتىڭ بەسەۋىن ءوز ەسەبىنە جازدى. قارسىلاسى 3 ەيس، 3 برەيكپەن (7 برەيك-پوينت) كوزگە ءتۇستى.

يۋ.پۋتينسيەۆا شيرەك فينالعا شىعۋ ءۇشىن الەمنىڭ 14-راكەتكاسى، برازيليالىق بەاتريس حادداد ماييامەن تالاسادى.

قازاقستاننىڭ ءبىرىنشى، الەمنىڭ 10-راكەتكاسى ەلەنا رىباكينانىڭ دا قارسىلاسى انىقتالدى. جارىستى ەكىنشى اينالىمنان باستايتىن ە.رىباكينا رەيتينگتە 20-ورىنداعى چەحيالىق كارولينا پليشكوۆامەن كەزدەسەدى.