قازاقستان تۋرالى ۇزدىك رومان بايقاۋىنىڭ جەڭىمپازى انىقتالدى

ول اي سايىن 500 دوللاردان الىپ تۇراتىن بولدى 

قازىرگى قازاقستان تۋرالى ۇزدىك رومان كونكۋرسىنىڭ جەڭىمپازى ءومىر بويى ايىنا 500 دوللاردان الىپ تۇراتىن بولدى، دەپ حابارلايدى Almaty-akshamy.kz Baq.kz-كە سىلتەمە جاساپ.

2022 جىلدىڭ 4 شىلدەسىندە الماتىدا ءوزىنىڭ تىرناقالدى تۋىندىسى "كۇلپەت" رومانىن جازعان قازعۇلوۆ شارحان ناعمەتۇلىنا "Freedom Support USA" باعدارلاماسى بويىنشا ەرىكتى جەدەل اننۋيتەتتىك ساقتاندىرۋ شارتى شىعارىلدى. بۇل رومان www.mecenat.kz سايتىنداعى كونكۋرستا حالىقتىڭ كوپشىلىك داۋىسىمەن جەڭىسكە جەتتى. ماراپات ءومىر بويىنا اي سايىن 500 دوللاردى (تولەم جاسالعان كۇنگى ق ر ۇلتتىق بانكىنىڭ باعامى بويىنشا تەڭگەمەن) قۇرايدى. ءپوليستى قازاقستاندىق "Freedom Finance Life" ءومىردى ساقتاندىرۋ كومپانياسى" اق شىعاردى (ق ر ۇلتتىق بانكىنىڭ 28.05.2019 ج. №2.2.51 ليسەنزياسى).
2022 جىلدىڭ 5 شىلدەسىندە كونكۋرس جەڭىمپازى جانە فينالدىڭ 6 قاتىسۋشىسى باسپا ءىسى جانە مادەنيەت قايراتكەرلەرىمەن بىرگە الماتىدا وتكەن دوڭگەلەك ۇستەلگە قاتىستى، اتاپ ايتقاندا:
- مادەنيەت جانە سپورت مينيسترلىگىنىڭ ارحيۆ ىستەرى جانە قۇجاتتامانى باسقارۋ كوميتەتى ءتوراعاسىنىڭ ورىنباسارى اقتىلەك ءتاجى مەملەكەتتىڭ جاڭارعان كىتاپ شىعارۋ ساياساتى تۋرالى ايتىپ بەردى.
- اتاقتى اقىن باقىت كەنجەيەۆ ارىپتەستەرىنىڭ نازارىنا قازاقستاندىق جازۋشىلاردىڭ ەڭ ءىرى حالىقارالىق كىتاپ نارىعىندا قانداي جاعدايلاردا سۇرانىسقا يە بولا الاتىنىن جەتكىزدى. 
- سىيلىق مەسەناتى تيمۋر تۋرلوۆ فيلانتروپيانىڭ الداعى جوسپارلارىمەن ءبولىستى، 
- قازاقستان جازۋشىلار وداعى ءتوراعاسىنىڭ ءبىرىنشى ورىنباسارى اقبەرەن ەلگەزەك "ادەبيەت اكادەمياسى" جوباسى جايلى اقپاراتتى ورتاعا سالدى.
دوڭگەلەك ۇستەلدەن كەيىن 10 ءىرى باسپانىڭ وكىلدەرى فينالدىڭ وسى 6 قاتىسۋشىسىمەن ولاردىڭ تۋىندىلارىن باسىپ شىعارۋ تۋرالى تىكەلەي كەلىسسوزدەر جۇرگىزدى، وسىلايشا الەم ادەبيەتىنىڭ تاريحىندا تۇڭعىش رەت كينويندۋسترياداعى، مىسالى، كانن (فرانسيا) جانە پۋسان (وڭتۇستىك كورەيا) سياقتى ماركەتپلەيستەردەگى جوبالارعا ۇقساس ماركەتينگتىك جوبالار ورىن الدى.
رومان Mecenat.kz جوباسىنىڭ اياسىندا ورىس تىلىنە اۋدارىلادى.
قازىرگى قازاقستان تۋرالى ۇزدىك رومان ءۇشىن جىل سايىن بەرىلەتىن Mecenat.kz ادەبي سىيلىعى – بۇل قازاقستان ازاماتتارىنىڭ، ەل پاتريوتتارىنىڭ جانە كاسىپقوي ادەبيەتشىلەر توبىنىڭ كوممەرسيالىق ەمەس، ساياسي ەمەس تاۋەلسىز ازاماتتىق جوباسى. ماقساتى – قازاق ادەبيەتى مەن وقۋعا دەگەن قىزىعۋشىلىقتى دامىتۋ. سىيلىقتىڭ نەگىزىن قالاۋشى – ەرلان اسقاربەكوۆ، مەسەنات – تيمۋر تۋرلوۆ. قازاق جانە ورىس ادەبيەتىنىڭ ساراپشىلارى – باقىتجان قاناپيانوۆ پەن پاۆەل باننيكوۆ.
بيىل 67 رومان جينالىپ، داۋىس بەرۋگە 21 جىبەرىلدى. اۆتور رەتىندە دە، داۋىس بەرۋشى رەتىندە دە قاتىسۋ قۇقىعى تەك قازاقستان ازاماتتارىنا بەرىلدى. سايتتى 63 مىڭعا جۋىق ادام قاراپ شىقتى. ولار سايتقا ورتاشا ەسەپپەن ادەتتەگى 7 سەكۋندتىڭ ورنىنا 3-4 مينۋت ۋاقىتتارىن ءبولدى. ولاردىڭ 4 مىڭعا جۋىعى شىعارمالارىن جۇكتەدى، وقىدى، تاۋەلسىز تاڭداۋى بويىنشا داۋىس بەردى. 
جوباعا اقپاراتتىق قولداۋ كورسەتكەندەر:
– باس اقپاراتتىق دەمەۋشى – قازاقستان ۇلتتىق تەلەارناسى جانە اقپارات مينيسترلىگى
– مادەنيەت مينيسترلىگى (بارلىق 7300 مادەنيەت مەكەمەلەرىنە اقپارات جىبەرىپ، تاراتتى)
– Amanat پارتياسى (بارلىق 800 مىڭ پارتيا مۇشەسىنە اقپارات جولدادى)
– نۇر-مەديا حولدينگى (استانا تۆ، "ليتەر" جانە "ايقىن" گازەتتەرى)
- ۇلتتىق كاسىپكەرلەر پالاتاسى (بارلىق فيليالدارىنا اقپارات تاراتتى)
كونكۋرس تۋرالى حابارلاندىرۋ كەلەسى باسىلىمداردا جاريالاندى:
- "قازاق ادەبيەتى"، "ەگەمەن قازاقستان" گازەتتەرىندە
- ZTB، Dalanews، قازاقپارات، Baq پورتالدارىندا
سونداي-اق ۇيىمداستىرۋشى كەلەسى ادەبي ۇيىمداردىڭ مۇشەلەرىنە تىكەلەي شاقىرۋ جىبەردى:
- جازۋشىلار وداعى
- الماتى اشىق ادەبيەت مەكتەبى
- "ليتپراكتيكۋم" كۋرستارى
- الماتى ادەبيەت ءۇيى
- "جازۋشىلاردىڭ قۇراما شتاتتارى" جوباسى
- Kitapfest جوباسى
جوباعا مولدانازار، م.بيسەنعالييەۆ، ا.ساين، ا.مۇكەي، ل.سۇلتان قىزى، س.اقىشيەۆ، س.اباس-شاح، ج.يليچيەۆا، ب.قيسىقوۆ، الماز ەرجان، ولجاس قۇدايبەرگەنوۆ، سامال يبرايەۆا سياقتى جۇلدىزدار مەن مەديا تۇلعالار قولداۋ كورسەتتى.
داۋىس بەرۋ ءراسىمى قازاقستاندىق نومىرلەردىڭ SMS-حابارلامالارىن ۆەريفيكاسيالاۋ، ىشكى اۋديت، قورىتىندى اۋديت، ارنايى تەحنيكالىق راسىمدەر مەن حاتتامالار ارقىلى قورعالدى. ازىرلەۋگە بىلىكتىلىگى ەڭ جوعارى كيبەرقاۋىپسىزدىك ماماندارى قاتىستى. سايتقا داۋىستاردى بۇرمالاۋ مەن داۋىس جيناۋدىڭ زاڭسىز شابۋىلدارى ۇزدىكسىز جاسالعانىمەن، ۇيىمداستىرۋشىلار ۇمىتكەرلەردىڭ العاشقى جۇبىنداعى داۋىستاردىڭ ناقتى سانىن بەينەجازباعا ءتۇسىرۋ ارقىلى ناتيجەلەرگە جالپى اۋديت جۇرگىزىپ، دۇرىس تويتارىس بەرە الدى.
جوبا كەلەسى باعىتتاردا داميتىن بولادى:
- قازاق دياسپوراسىنىڭ اۆتورلارىن شاقىرۋ
- الەۋمەتتىك جەلىلەر مەن مەسسەندجەرلەردە ىلگەرىلەتۋدىڭ ويلاستىرىلعان ستراتەگياسى
- ەڭ ۇزدىك قولجازبالاردى ەكرانعا شىعارۋ ءۇشىن ءبىرىنشى جىلعى فيناليستەرگە ارنالعان فوللوۋ-اپ – كينو پروديۋسەرلەرىنە ارنالعان ماركەتپلەيس
- قازىرگى اقپاراتتىق دەمەۋشىلەرمەن اراداعى سەرىكتەستىكتى كۇشەيتۋ
- بارلىق ادەبي كۋرستارمەن (قازاقستاندىق نەمەسە شەتەلدەگى قازاق تىلىندەگى) ىنتىماقتاسۋ 
- كيبەرقاۋىپسىزدىك شارالارىن كۇشەيتۋ.