وتىرىس قورىتىندىسى بويىنشا دوستاستىق الاڭىنداعى ءوزارا ءىس-قيمىلدى تەرەڭدەتۋگە باعىتتالعان ءبىرقاتار شەشىمدەر قابىلداندى
قازاقستان رەسپۋبليكاسى پرەمەر-مينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردىنىڭ توراعالىعىمەن تاۋەلسىز مەملەكەتتەر دوستاستىعى سىرتقى ىستەر مينيسترلەرى كەڭەسىنىڭ كەزەكتى وتىرىسى ءوتتى. Almaty-akshamy.kz بۇل تۋرالى ق ر ءسىم مالىمەتىنە سىلتەمە جاساپ حابارلايدى.
ءىس-شاراعا ارمەنيا، ازەربايجان، بەلارۋس، قىرعىزستان، وزبەكستان، رەسەي، تاجىكستان مەن تۇرىكمەنستان سىرتقى ىستەر مينيسترلەرى قاتىستى.
قاتىسۋشىلار تمد شەڭبەرىندەگى سىرتقى ساياسي ۆەدومستۆولار جەلىسى بويىنشا ىنتىماقتاستىقتى تەرەڭدەتۋ ماسەلەلەرىن، سونداي-اق وڭىرلىك جانە حالىقارالىق كۇن ءتارتىبىنىڭ وزەكتى اسپەكتىلەرىن تالقىلادى.
وتىرىس قورىتىندىسى بويىنشا دوستاستىق الاڭىنداعى ءوزارا ءىس-قيمىلدى تەرەڭدەتۋگە باعىتتالعان ءبىرقاتار شەشىمدەر قابىلداندى.
سىرتقى ىستەر مينيسترلەرى بيىلعى 14 قازانىندا قازاقستان استاناسىندا وتەتىن تمد سامميتىندە مەملەكەت باسشىلارىنىڭ قاراۋىنا شىعارىلاتىن قۇجاتتاردىڭ جوبالارىن كەلىستى.