ول ازاماتقا ىشىمدىكتەن ءماجبۇرلى تۇردە ەمدەلۋ تاعايىندالدى
الماتىدا ماس ەر ادام ءوز اۋلاسىندا اسپانعا قاراتا بىرنەشە رەت وق اتتى، دەپ حابارلايدى Almaty-akshamy.kz.
الماتى قالالىق پوليسيا دەپارتامەنتىنىڭ مالىمەتىنشە، وقيعا تۇركسىب اۋدانىندا بولدى. ش. ەسىمدى ازامات كورشىسىنە تەلەفون سوعىپ، يتكە بىرنەشە كۇن قاراپ بەرۋىن وتىنگەن. اڭگىمە بارىسىندا ول وز-وزىنە قول جۇمساعىسى كەلەتىنىن ايتقان.
«مۇنى ەستىگەن ايەل شۇعىل تۇردە «102» نومىرىنە قوڭىراۋ شالدى. ۇيگە پاترۋلدىك جاساق، تەرگەۋ-جەدەل توبى جانە پد باسشىلىعى كەلدى. ءۇي يەسى ماس كۇيدە بولدى. اسپانعا بىرنەشە رەت وق اتقان. ابىروي بولعاندا، ەشكىم زارداپ شەككەن جوق. ءبىزدىڭ قىزمەتكەرلەر ماس ادامدى ۇستاپ، ونىڭ اتىنا تىركەلگەن تەگىس ۇڭعىلى مىلتىقتى تاركىلەدى»، – دەدى تۇركسىب اۋداندىق پوليسيا باسقارماسىنىڭ باستىعى ەركىن امانتايەۆ.
مەديسينالىق تەكسەرۋدەن كەيىن ۇستالعان ادامنىڭ الكوگولدىك ماساڭ كۇيدە بولعانى انىقتالدى. اتالعان دەرەك سوتقا دەيىنگى تەرگەۋدىڭ ءبىرىڭعاي تىزىلىمىنە ق ر قك-نىڭ 105-بابى 1-بولىگى بويىنشا تىركەلدى.
«ش. ەسىمدى ازاماتقا ىشىمدىكتەن ءماجبۇرلى تۇردە ەمدەلۋ تاعايىندالدى. الدىن الا بولجام بويىنشا، وز-وزىنە قول جۇمساۋعا ايەلىنىڭ ۇيىنەن كەتۋى سەبەپ بولعان»،- دەپ اتاپ ءوتتى پوليسيا وكىلى.