قازاقستان تمد-داعى ەڭ بەيبىتسۇيگىش ەل اتاندى

قازاقستان تمد-داعى ەڭ بەيبىتسۇيگىش مەملەكەت اتاندى، - دەپ حابارلايدى اqshamnews.kz ءتىلشىسى Ranking.kz-كە سىلتەمە جاساپ. 

Global Peace Index بايانداماسىنىڭ مالىمەتىنشە، بەيبىتسۇيگىش ەلدەر رەيتينگىندە قازاقستان 163 ەلدىڭ ىشىندە 56-ورىنعا جايعاستى.

بايانداما اۆتورلارىنىڭ نۇسقاسى بويىنشا، ءبىر جىل ىشىندە رەيتينگتە بەس ساتىعا كوتەرىلگەن قازاقستان – تمد-داعى ەڭ بەيبىت ەل. قازاقستانعا ەڭ جاقىن ورنالاسقاندار - ارمەنيا (58-ورىن)، مولدوۆا مەن وزبەكستان (تيىسىنشە 66 جانە 67-ورىن).

الەمدەگى ەڭ بەيبىتسۇيگىش ەلدەر دەپ يسلانديا (1-ورىن)، يرلانديا جانە جاڭا زەلانديا (3-ورىن) تانىلدى. ال 161-ورىنعا سۋدان قويىلعان، ونىڭ ارتىندا ۋكراينا، رەيتينگتى رەسەي قورىتىندىلايدى.

بيىل جەتى ايدا قازاقستاندا مەملەكەتتىك باسقارۋ، قورعانىس جانە مىندەتتى الەۋمەتتىك قامسىزداندىرۋ سالالارىنداعى نەگىزگى كاپيتالعا سالىنعان ينۆەستيسيالار بىلتىرعى سايكەس كەزەڭىمەن سالىستىرعاندا 59 پايىزعا ءوسىپ، 82 ملرد تەڭگەدەن استى.

قاڭتار-ماۋسىم ايلارىندا قازاقستاننىڭ قورعانىس شىعىندارى شامامەن 467 ملرد تەڭگە بولدى. بىلتىردىڭ ءبىرىنشى جارتىسىندا بۇل كورسەتكىش 451 ملرد تەڭگەدەن از بولعان ەدى. الايدا دوللارمەن ەسەپتەگەندە قورعانىس شىعىندارى 8،5 پايىزعا ازايعانىن اناليتيكتەر اتاپ ءوتتى.