باعدارلامالىق قامتاماسىز ەتۋ ازىرلەۋمەن اينالىساتىن Oracle كومپانياسىنىڭ باسقارۋشىلاردىڭ ءبىرى لارري ەلليسون Bloomberg ميللياردەرلەر رەيتينگىندە ءبىرىنشى ورىنعا شىقتى. ول Tesla مەن SpaceX نەگىزىن قالاعان يلون ماسكتى باسىپ وزدى، - دەپ حابارلايدى اqshamnews.kz ربك-عا سىلتەمە جاساپ.
ەلليسوننىڭ بايلىعى 393 ميلليارد دوللارعا، ال ماسكتىكى 385 ميلليارد دوللارعا جەتكەن.
"ەلليسوننىڭ كۇرت جوعارلاۋى ءبىر كۇندە كاپيتالىنىڭ 101 ميلليارد دوللارعا ءوسۋى سەبەپ بولدى - بۇل Bloomberg رەيتينگىن جۇرگىزۋ تاريحىنداعى ەڭ اۋقىمدى ءوسىم"، – دەلىنگەن ماتەريالدا.
Bloomberg اگەنتتىگىنىڭ تىزىمىندە ماسك شامامەن ءبىر جىل بويى ءبىرىنشى ورىندا تۇرعان ەدى. ول العاش رەت 2021 جىلى كوش باستاعان، ءبىراق كەيىننەن Amazon نەگىزىن قالاۋشى دجەفف بەزوس پەن LVMH يەسى بەرنار ارنوعا جول بەرگەن. ءقازىر ولار سايكەسىنشە ءتورتىنشى جانە سەگىزىنشى ورىندا.
شىلدەدەن باستاپ ەلليسون Meta باسشىسى مارك سۋكەربەرگتى ارتتا قالدىرىپ، Bloomberg رەيتينگىندە ەكىنشى ورىنعا جايعاسقان بولاتىن.
Forbes جۋرنالى دا ەلليسون بايلىعىنىڭ وسكەنىن (102 ميلليارد دوللار نەمەسە جالپى كاپيتالىنىڭ شامامەن 35 پايىزى) اتاپ ءوتتى، ونىڭ جالپى بايلىعىن 395 ميلليارد دوللار دەپ باعالايدى. الايدا Forbes رەيتينگىندە ماسك ءالى دە ءبىرىنشى ورىندا تۇر، ونىڭ بايلىعى 437 ميلليارد دوللارعا باعالانعان ەدى.
ەلليسون بايلىعىنىڭ وسۋىنە Oracle اكسيالارىنىڭ كۇرت قىمباتتاۋى اسەر ەتتى. كومپانيانىڭ قارجى ەسەبىنەن كەيىن ونىڭ باعالى قاعازدارى ءبىر جىل ىشىندە 45 پايىزعا ءوسىپ، 9 قىركۇيەكتە تاريحي ماكسيمۋمعا جەتكەن، ال سارسەنبىدە تاعى 41 پايىزعا كوتەرىلدى.
سونداي-اق كومپانيا اقش پرەزيدەنتى دونالد ترامپ قاڭتاردا جاريالاعان Stargate جاساندى ينتەللەكت ينفراقۇرىلىمىن قۇرۋ جوباسىنا قاتىسىپ وتىر. ەلليسون رەسپۋبليكالىق پارتيانى قولدايدى.
انىقتاما: لارري ەلليسون – 81 جاستا. ول Oracle-دى 1977 جىلى بوب ماينەر جانە ەد وۋتسپەن بىرگە قۇرعان. كومپانيانى 37 جىل باسقارعاننان كەيىن، 2014 جىلدىڭ قىركۇيەگىندە باس ديرەكتور قىزمەتىنەن كەتىپ، ديرەكتورلار كەڭەسىنىڭ ءتوراعاسى جانە تەحنيكالىق ديرەكتور بولدى. ول Oracle اكسيالارىنىڭ 40 پايىزدان استامىنا يە. سونىمەن بىرگە ول Paramount Skydance كومپانياسىنىڭ شامامەن 50 پايىزىنا يەلىك ەتەدى (ونىڭ باس ديرەكتورى – ۇلى ديەۆيد). 2018–2022 جىلدارى Tesla ديرەكتورلار كەڭەسىنىڭ مۇشەسى بولعان، ءقازىر دە كومپانيانىڭ اكسيالارىنا يەلىك ەتەدى.