جۇڭگو جازۋشىلارى مەن تاريحشىلارى قازاقستان تاريحىن جۇڭگو تىلىنە اۋدارا باستادى.
بۇل تۋرالى قىتايتانۋشى-عالىم، اقىن، پروفەسسور دۇكەن ءماسىمحان ۇلىنىڭ تۋعانىنا 60 جىل تولۋىنا وراي ۇيىمداستىرىلعان حالىقارالىق كونفەرەنسيادا ايتىلدى.
جيىنعا يران، تۇركيا، قىرعىستان، جۇڭگو مەن وزبەكستان ەدەرىنىڭ عالىمدارى، شىعىستانۋشىلارى مەن ساياساتتانۋشىلارى قاتىستى. ولار قازاقستان مەن شىعىس ەلدەرىنىڭ اراسىنداعى مادەني، ساياسي بايلانىستاردى تالقىلاندى. شارا بارىسىندا دۇكەن ءماسىمحان ۇلىنىڭ «جۇڭگو قالامگەرلەرىنىڭ تاڭدامالى شىعارمالارى» 5 تومدىعىنىڭ جانە «ۇلت پەن رۋح» دەپ اتالاتىن عىلىمي زەرتتەۋلەرگە ارنالعان كىتابىنىڭ تۇساۋى كەسىلدى.
«جۇڭگو جاعى قازاقستاندا جارىق كورگەن قازاقستان تاريحىنىڭ 5 تومدىعىن اۋدارۋعا قولعا الدى. ول ەندى ءبىراز ۋاقىت تالاپ ەتەدى، دەگەنمەن ول ەل كەزدەيسوق ەشتەڭەنى قولعا المايدى. پروسەسس ءجۇرىپ جاتىر. ول ەندى جابىق تاقىرىپ ەمەس، ولار دا اۋدارادى ءبىز دە اۋدارامىز»، - دەيدى تاريح عىلىمدارىنىڭ دوكتورى، پروفەسسورى حانگەلدى ءابجانوۆ.