فۋتزالدان 2024 جىلعى الەم چەمپيوناتىنا ىرىكتەۋ اياسىندا ۇلتتىق قۇرامامىز كەزەكتى ماچىن وتكىزدى.
ريكاردو كاكا باپتايتىن جىگىتتەر بۇل جولى ءوز الاڭىندا ءازىربايجان كومانداسىن قابىلدادى، دەپ حابارلايدى Almaty-akshamy.kz 24.kz-كە سىلتەمە جاساپ.
استاناداعى ماچتا قوناقتار ءا دەگەننەن باسىمدىقتى قولدارىنا الىپ، 2:0 ەسەبمەن العا شىقتى. دەگەنمەن جەرلەستەرىمىز ۇزىلىسكە دەيىن تارازى باسىن تەڭەستىرىپ ۇلگەردى. الدىمەن لەو مۇمكىندىگىن ءساتتى پايدالانسا، ارتىنشا ءبىرجان ورازوۆ مەرگەندىگىمەن كوزگە ءتۇستى. ال ەكىنشى كەزەڭدە دۋگلاس جەڭىس گولىن سوقتى.
قورىتىندى ەسەپ: 3:2. وسىلايشا قازاقستان 4 ويىندا 12 ۇپاي جيناپ، ا توبىندا جەكە-دارا كوش باستادى. ايتا كەتەيىك، ءار توپتىڭ ۇزدىكتەرى تىكەلەي الەم چەمپيوناتىنا جولداما الادى. ال ەكىنشى ساتىدا تۇرعان كوماندالار قوسىمشا مۇمكىندىكتى ءوزارا ساراپقا سالادى. دۇنيجۇزىلىك دودانىڭ ءوزى تۋرا ءبىر جىلدان كەيىن وزبەكستاندا بولادى.