2026 جىلعا جوسپارلانعان.
ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى قازاقستاننىڭ جاڭا جەر سەرىكتەرىن ۇشىرۋدى جوسپارلاپ وتىرعانىن مالىمدەدى، دەپ حابارلايدى aqshamnews.kz
«قازاقستاننىڭ «GHALAM» ج ش س كومپانياسى 2023 جىلدان باستاپ عارىش اپپاراتتارىن قۇراستىرۋ-سىناۋ كەشەنى بازاسىندا «KazEOSat-MR» جەردى قاشىقتان زوندتاۋدىڭ ءۇش جەر سەرىگىنەن تۇراتىن توپتامانى قۇرۋ بويىنشا جۇمىستاردى اتقارىپ جاتىر. ولاردى ۇشىرۋ 2026 جىلعا جوسپارلانعان»، - دەلىنگەن مينيسترلىكتىڭ حابارلاماسىندا.
ۆەدومستۆو اقپاراتىنا قاراعاندا، 2029 جىلعا قاراي «KazSat-3» بايلانىس سپۋتنيگىن جاڭاسىنا اۋىستىرۋ قاراستىرىلعان. جاڭا اپپارات سۇرانىستى قاناعاتتاندىرۋدا جانە ەلدىڭ اقپاراتتىق قاۋىپسىزدىگىن قامتاماسىز ەتۋدە زاماناۋي تەحنيكالىق شەشىمدەردى قولدانۋعا ارنالعان. بۇل باعىتتا شەتەلدىك عارىش تەحنيكاسىن وندىرۋشىلەردەن الدىن الا تەحنيكالىق-كوممەرسيالىق ۇسىنىستار الىندى. وسى رەتتە جوباعا قويىلاتىن تالاپتاردى قالىپتاستىرۋ جانە ونى قارجىلاندىرۋدى قامتاماسىز ەتۋ بويىنشا جۇمىستار باستالعان.
ەستەرىڭىزگە سالا كەتەيىك، 2014 جىلعى 28 ساۋىردە «KazSat-3» ءۇشىنشى ۇلتتىق گەوستاسيونارلىق حابار تاراتۋ جانە بايلانىس سپۋتنيگى ءساتتى ۇشىرىلعان. «KazSat-3» سپۋتنيگىندە قازاقستان اۋماعىن بايلانىس قىزمەتىمەن قامتاماسىز ەتە الاتىن Ku-دياپازوندى 28 ترانسپوندەر ورناتىلعان. عارىش اپپاراتىنىڭ جۇمىس ىستەۋ مەرزىمى - 15 جىل.
قازاقستان مەن وزبەكستان بىرلەسىپ عارىشقا سپۋتنيك ۇشىرۋدى جوسپارلاپ وتىر.