ءموبيلدى قوسىمشانى اقتوبە قالاسىنداعى ۇزاقباي قۇلىمبەتوۆ اتىنداعى №64 جالپى ءبىلىم بەرەتىن مەكتەپتىڭ 7-سىنىپ وقۋشىسى دانيال قۇرمانعالي جاساپ شىعارعان.
احمەت بايتۇرسىن ۇلى تۋرالى اقپاراتتار ينتەرنەت كەڭىستىكتە شاشىراڭقى ۇشىراسادى. جاس تالانت سول ءارتۇرلى دەرەككوزدەردەگى بارلىق مالىمەتتەردى جۇيەلەپ، ىڭعايلى پلاتفورمادا ۇسىنۋ ءۇشىن ءموبيلدى قوسىمشانى جاساپ، Play Market ينتەرنەت دۇكەنىنە جۇكتەگەن، دەپ حابارلايدى aqshamnews.kz.
اقتوبە وبلىسى اكىمدىگىنىڭ مالىمەتىنشە قوسىمشانىڭ بولىمدەرىندە ۇلت ۇستازىنىڭ ءومىربايانى، شىعارمالارى، ناقىل سوزدەرى، ولەڭدەرى عىلىمي ەڭبەكتەرى توپتاستىرىلعان جانە تەست ءبولىمى دە بار، تەست – پايدالانۋشىلارعا بىلىمدەرىن تەكسەرۋگە مۇمكىندىك بەرەدى. قوسىمشانىڭ مازمۇنى – سۋرەتتەر، بەينەجازبالار جانە سىرتقى سىلتەمەلەر ارقىلى دا بايىتىلعان.
«ماقساتىم – قازاق ءتىلدى ءموبيلدى قوسىمشالاردى كوبەيتىپ، انا تىلىمىزدە سيفرلىق ونىمدەر جاساۋدىڭ ماڭىزدىلىعىن ارتتىرۋ»، دەگەن تالانتتى وقۋشى اتالعان جوباسىن جەتەكشىسى ەربول مەدەۋوۆپەن بىرگە جۇزەگە اسىرعان.
دانيال قۇرمانعالي الداعى ۋاقىتتا باسقا دا ۇلى تۇلعالارعا ارنالعان قوسىمشالار ازىرلەۋدى جوسپارىنا العان.