ءقازىر قاتاردا شامامەن 1،5 مىڭ قازاقستاندىق تۇرىپ جاتىر. بۇل تۋرالى قازاقستاننىڭ سىرتقى ىستەر ۆيسە-مينيسترى الىبەك باقايەۆ ايتتى، - دەپ حابارلايدى اqshamnews.kz ءتىلشىسى.
ءماجىلىس كۋلۋارىندا جۋرناليستەر باقايەۆتان قاتار استاناسىندا بولعان جارىلىستاردان قازاقستاندىقتار زارداپ شەكتى مە دەپ سۇرادى.
"ارينە، ازاماتتارىمىزدىڭ ىشىندە ءبىزدىڭ ادامدارىمىز بار، ءبىراق قۇرباندار اراسىندا جوق. ەشكىم حابارلاسقان جوق. ءقازىر قاتاردا شامامەن 1،5 مىڭ ادام تۇرىپ جاتىر"، - دەدى قازاقستاننىڭ سىرتقى ىستەر مينيسترلىگىنىڭ ۆيسە-مينيسترى الىبەك باقايەۆ.
ونىڭ ايتۋىنشا، جالپى سانىنىڭ ىشىندە كونسۋلدىق ەسەپتە تۇرعان 516 ادام بار. ديپلوماتتار ولارمەن تۇراقتى بايلانىستا.
بۇعان دەيىن نە بولعان ەدى؟
9 قىركۇيەكتە يزرايل دوحاعا سوققىلار جاسادى. نەگىزىنەن تۇرعىن ۇيلەر زارداپ شەكتى، وندا حاماس باسشىلىعىنىڭ دەلەگاسياسى اقش ۇسىنعان سوڭعى تاتۋلاسۋ ۇسىنىسىن تالقىلاۋعا كەلگەن بولاتىن. قاتار ءيزرايلدىڭ شابۋىلىن ايىپتادى.
قاتار بيلىگى تۇرعىن اۋدانداعى يزرايل سوققىسىنان زاڭ جۇزىندە جاۋاپ دايىنداۋ ءۇشىن ادۆوكاتتار توبى قۇرىلعانىن جاريالادى. پرەمەر-مينيستر مۋحاممەد بەن ابدەرراحمان ءال تاني يزرايل ارەكەتتەرى حالىقارالىق قۇقىقتى بۇزىپ، اقش باستاماسىمەن قولعا الىنعان گازاداعى كەلىسسوز پروسەسىن السىرەتەدى دەپ اتاپ ءوتتى.