قازاقستان بىرنەشە ەلدىڭ ۆاكسينالاۋ قۇجاتىن ماقۇلدادى
قازاقستان تاعى 4 ەلدىڭ ۆاكسينالاۋ قۇجاتتارىن مويىندادى. اتاپ ايتار بولساق: كانادا، چەرنوگوريا، چەحيا جانە جاپونيا. بۇل تۋرالى ەلىمىزدىڭ باس سانيتار دارىگەرىنىڭ حابارلاماسىندا ايتىلدى، دەپ حابارلايدى Almaty-akshamy.kz.
بۇگىندە قازاقستاندا بارلىعى 24 شەت مەملەكەتتىڭ يممۋنداۋ سەرتيفيكاتى ماقۇلدانعان. ال قازاقستاندىق ەكپە پاسپورتىن 20 مەملەكەت تانىعان. سونداي-اق قازاقستان مەن وزبەكستان كەلەر جىلدان باستاپ كوروناۆيرۋسقا قارسى ۆاكسينالاۋ ءتولقۇجاتتارىن ءوزارا مويىنداۋى مۇمكىن.
اجار عينيات، ق ر دەنساۋلىق ساقتاۋ ءمينيسترىنىڭ ورىنباسارى:
- بۇل سۇراق ءمينيستردىڭ ورىنباسارىمەن تالقىلاندى. ءبىز وزبەكستاننىڭ ەكپە پاسپورتىن تانۋعا قارسى ەمەسپىز، كورشىلەس مەملەكەت ءوز كەزەگىندە ءبىزدىڭ ەلدىڭ ۆاكسينالاۋ سەرتيفيكاتىن تانۋعا دايىن. بۇل باعىتتا سىرتقى ىستەر مينيسترلىگىمەن بىرلەسە جۇمىس جۇرگىزەتىن بولامىز.