ونىڭ ايتۋىنشا، وتاندىق تاەكۆوندوشىلار حالىقارالىق ارەنادا لايىقتى ناتيجە كورسەتتى.
فەدەراسيانىڭ رەسمي سايتىنىڭ مالىمەتىنشە، ۆياچەسلاۆ كيم بۇل شەشىمگە قتف پرەزيدەنتى رەتىندەگى جۇمىسى كەزىندە قول جەتكىزىلگەن بارلىق جەتىستىكتەردى ۇزاق ويلاۋ جانە باعالاۋ ناتيجەسىندە كەلگەن، دەپ حابارلايدى aqshamnews.kz
"2013 جىلى تاەكۆوندو فەدەراسياسىنىڭ باسشىلىعىنا تاعايىندالعاندا مەنىڭ باستى ماقساتىم – وسى سپورت ءتۇرىن ەلىمىزدە دامىتىپ، تانىمال ەتۋ بولدى. وسى جىلدار ىشىندە ءبىز بىرگە ەلەۋلى تابىستارعا قول جەتكىزگەنىمىزدى ماقتانىشپەن ايتا الامىن. كۇن سايىن قتف ۇجىمى مەن سپورتشىلارىمىزدىڭ وسىپ-وركەندەۋىنە جاعداي جاساۋ ماقساتىندا جۇمىس ىستەدىم. ءبىزدىڭ جوعارى دەڭگەيدەگى تۋرنيرلەردى وتكىزۋگە الەۋەتىمىز دە، مۇمكىندىگىمىز دە بار، بۇل جول ءوز جالعاسىن تابادى دەپ سەنەمىن. بۇگىن ەستافەتانى تاپسىرا وتىرىپ، وسى جولدا مەنىمەن بىرگەن بولعان بارلىق ارىپتەستەرىمە، سپورتشىلارعا، جاتتىقتىرۋشىلار جانە ءبىزدى قولداعان ءاربىر ادامعا العىسىمدى بىلدىرگىم كەلەدى. بۇل جول جالعاسىن تاۋىپ، كۇن سايىن جاڭا جەڭىستەر اكەلسىن"، -دەلىنگەن ەكس-باسشىنىڭ مالىمدەمەسىندە.