ەكى وڭىردە اپتاپ ىستىق بولادى.
"قازگيدرومەت" رمك بۇگىن قازاقستاندا اۋا رايى قانداي بولاتىنىن ايتتى، دەپ حابارلايدى aqshamnews.kz
بولجامعا سايكەس، سولتۇستىك-باتىس سيكلونىنىڭ ىقپالىنان قازاقستاننىڭ باسىم بولىگىندە تۇراقسىز اۋا رايى سيپاتى ساقتالادى: نايزاعاي ويناپ، بۇرشاق تۇسەدى، قاتتى جەل تۇرىپ، جاڭبىر جاۋادى، ەلىمىزدىڭ سولتۇستىك-باتىسىندا قاتتى جاڭبىر جاۋادى دەپ كۇتىلەدى.
"رەسپۋبليكا بويىنشا ورتاق تابيعي قۇبىلىس - جەلدىڭ ەكپىن الۋى. ەلىمىزدىڭ سولتۇستىك-باتىسىندا تۇمان تۇسەدى، كۇندىز الماتى جانە جەتىسۋ وبلىستارىندا قاتتى ىستىق ساقتالادى دەپ بولجانادى"، دەلىنگەن "قازگيدرومەت" رمك ۇسىنعان اقپاراتتا.
سونداي-اق، سينوپتيكتەر اتىراۋ، اباي وبلىستارىندا، ۇلىتاۋ ءوڭىرىنىڭ سولتۇستىگىندە، جەتىسۋ وبلىسىنىڭ شىعىسىندا، باتىس قازاقستان وبلىسىنىڭ وڭتۇستىگىندە، شىعىسىندا، ورتالىعىندا، ماڭعىستاۋ وبلىسىنىڭ باتىسىندا، وڭتۇستىك-شىعىسىندا، الماتى وبلىسىنىڭ وڭتۇستىك بولىگىندە ءورت ءقاۋپى جوعارى بولاتىنىن ايتتى.
ماڭعىستاۋ، قىزىلوردا، تۇركىستان، الماتى، جامبىل، جەتىسۋ وبلىستارىندا، اتىراۋ ءوڭىرىنىڭ وڭتۇستىك-باتىسىندا، سولتۇستىك-شىعىسىندا، شىعىس قازاقستان وبلىسىنىڭ وڭتۇستىگىندە، ورتالىعىندا، قاراعاندى ءوڭىرىنىڭ شىعىسىندا، وڭتۇستىگىندە، ۇلىتاۋ وبلىسىنىڭ وڭتۇستىگىندە، اباي وبلىسىنىڭ باتىسىندا، سولتۇستىك-باتىسىندا، وڭتۇستىگىندە توتەنشە ءورت ءقاۋپى ساقتالادى.