قاسىم-جومارت توقايەۆتىڭ ەل تىزگىنىن قولىنا العانىنا - التى جىل.
وسى ارالىقتا قازاقستان كوروناۆيرۋس پاندەمياسىنان باستاپ جاھاندىق گەوساياسي شيەلەنىستەرگە دەيىنگى سىن-قاتەرگە قاراماستان، ەكونوميكالىق دامۋدا ەلەۋلى ناتيجەلەرگە جەتتى، دەپ حابارلايدى aqshamnews.kz 24.kz-كە سىلتەمە جاساپ.
بىلتىر عانا ءجىو 288 ميلليارد دوللاردى قۇرادى. وسىلايشا، قازاقستان تابىسى جوعارى مەملەكەتتەر توبىنا جاقىندادى. بۇگىندە مەملەكەت باسشىسى مۇنايدان تىس سالالاردى دامىتۋعا باسىمدىق بەرىپ وتىر.
ەكونوميكانى ءارتاراپتاندىرۋ دا كەزەك كۇتتىرمەيتىن ماڭىزدى مىندەت ەكەنىن العا تارتتى. كەيىنگى 5 جىلدا وڭدەۋ ونەركاسىبىندە ءوندىرىس كولەمى 31،4%-كە، قۇرىلىستا 96،3%-كە ءوستى. جالپى ونەركاسىپ قۇرىلىمىندا وڭدەۋشى كاسىپورىندار ءوز ۇلەسى بويىنشا ءوندىرۋشى سەكتورمەن تەڭەستى. بىلتىردىڭ وزىندە وڭدەۋ ونەركاسىبىندە جالپى قۇنى 1،3 تريلليون تەڭگە بولاتىن 180 ينۆەستيسيالىق جوبا ىسكە اسىرىلدى.