قازاقستان ستۋدەنتتەرى وقۋ اقىسىن تولەۋ ءۇشىن نەگىزگى قارىزدى 10 جىلعا دەيىنگى مەرزىمگە كەيىنگە قالدىرۋ ارقىلى كەپىلسىز نەسيە الا الادى، دەپ حابارلايدى almaty-akshamy.kz ق ر ءبىلىم جانە عىلىم مينيسترلىگىنىڭ «قارجى ورتالىعى» اق باسپا ءسوز قىزمەتىنە سىلتەمە جاساپ.
نەسيەلەر بويىنشا كەپىل رەتىندە ق ر بعم «قارجى ورتالىعى» اق كەپىلدىگى ارەكەت ەتەدى. قارجى ورتالىعى باسپا ءسوز قىزمەتىنىڭ حابارلاۋىنشا، نەسيە بويىنشا جەڭىلدىك كەزەڭىنە وقۋ مەرزىمى جانە نەگىزگى وقۋ كۋرسى اياقتالعاننان كەيىن التى اي كىرەدى.
بۇل كەزەڭدە تەك پايىزدىق مولشەرلەمە تولەنەدى. سودان كەيىن نەگىزگى قارىزدى تولەۋ مەرزىمى باستالادى. نەسيە كەپىلسىز جانە سىياقى مولشەرلەمەسى 20%. قازاقستاننىڭ بارلىق ايماقتارىندا جانە ەلىمىزدىڭ بارلىق جوعارى وقۋ ورىندارىندا وقۋ ءۇشىن ماقساتتى نەسيە الۋ مۇمكىندىگى بار.
نەسيە الۋشى كەلەسى قۇجاتتاردى ۇسىنۋى كەرەك:
- جەكە كۋالىك / پاسپورت؛
- ۇبت/كتا سەرتيفيكاتى نەمەسە سوڭعى سەسسيانىڭ ترانسكريپتى؛
- وقۋ مەرزىمىنىڭ قۇنى كورسەتىلگەن جوو-مەن كەلىسىم نەمەسە تولەمگە شوت.
قاتىسۋشىلاردىڭ شارتتارى مەن بانكتەرى تۋرالى تولىق اقپاراتتى 8 800 080 28 28 تەلەفونى ارقىلى الۋعا بولادى.