اعايىندى ەكى جىگىت كوشەدە ءوتىپ بارا جاتقان ادامداردى توناعان
الماتىدا اعايىندىلار كوشەدە ءوتىپ بارا جاتقان ادامداردى توناعان، دەپ حابارلايدى Almaty-akshamy.kz Polisia.kz-كە سىلتەمە جاساپ.
23 جانە 18 جاستاعى اعايىندىلار قاراقشىلىق شابۋىل جاسادى دەگەن كۇدىككە ىلىنگەن.
«حمەلنيسكيي كوشەسىنىڭ بويىندا ولار ايەلدى قورقىتىپ، سىرعاسىن تارتىپ العان. جابىرلەنۋشى كۇدىكتىلەردىڭ بەلگىلەرىن انىق ەسىنە ساقتاپ الدى. بىرنەشە ساعاتتان كەيىن كۇدىكتىلەر قاماۋعا الىندى. ولار زەرگەرلىك بۇيىمنان قۇتىلىپ ۇلگەرگەن: سىرعانى ساتىپ جىبەرگەن، ال تۇسكەن اقشانى جۇمساعان. بۇل فاكت سوتقا دەيىنگى تەرگەۋدىڭ ءبىرىڭعاي تىزىلىمىنە ق ر قك-نىڭ 191-بابى 2ء-بولىمىنىڭ 1،3-تارماعى بويىنشا تىركەلدى. مامانداندىرىلعان اۋدانارالىق تەرگەۋ سوتى كۇدىكتىلەرگە قاتىستى “قاماۋدا ۇستاۋ” تۇرىندەگى بۇلتارتپاۋ شاراسىن قولداندى. قازىرگى ۋاقىتتا ولاردىڭ باسقا دا قىلمىستارعا قاتىسى بار-جوعى تەكسەرىلۋدە»، – دەپ ءتۇسىندىردى تۇركسىب اۋداندىق پوليسيا باسقارماسىنىڭ باستىعى ەركىن امانتايەۆ.